پېنتاگون بايانات ئېلان قىلىپ، تەيۋەنگە 330 مىليون دوللارلىق ئۇرۇش ئايروپىلانى زاپچاسلىرى ۋە رېمونت قىلىش ماتېرىياللىرى سېتىشنى ماقۇللىغانلىقىنى جاكارلىدى.بۇ، پىرېزىدېنت دونالد ترامپنىڭ يانۋاردا ۋەزىپە ئۆتەشنى باشلىغاندىن بۇيان ئەمەلگە ئاشۇرۇلغان تۇنجى قېتىملىق قورال-ياراغ سودىسى بولۇپ ھېسابلىنىدۇ.ئامېرىكانىڭ تەيۋەنگە قورال-ياراغ سېتىپ بېرىشنى تەستىقلىغانلىقى، ترامپ بىلەن شى جىنپىڭ ئۆتكەن ئاي (2025-يىلى ئۆكتەبىر) جەنۇبىي كورېيەدە سودا كېلىشىمى تۈزۈش ئۈچۈن كۆرۈشۈپ ئۇزۇن ئۆتمەي ئېلان قىلىنغان بولدى.پېنتاگوننىڭ باياناتىدا مۇنداق دېيىلدى:«تەكلىپ قىلىنغان قورال-ياراغ سېتىش، تەيۋەننىڭ < F-16>، <C-130> ۋە باشقا ئايروپىلان فىلوتىنىڭ ھەرىكەتچان قابىلىيىتىنى ساقلاپ قېلىش ئارقىلىق ھازىرقى ۋە كەلگۈسىدىكى تەھدىتلەرنى بىر تەرەپ قىلىش ئىقتىدارىنى ئاشۇرىدۇ.»خىتاي تەيۋەننى ئۆزىنىڭ زېمىنى دەپ قارايدۇ ۋە بۇ ئارالنى كونترول قىلىش ئۈچۈن كۈچ ئىشلىتىش ئېھتىمالىنى چەتكە قاقمايدۇ. تەيۋەن ھۆكۈمىتى بولسا، بېيجىڭنىڭ ئىگىلىك ھوقۇق دەۋاسىنى قەتئىي رەت قىلىدۇ ۋە تەيۋەننىڭ كېلەچىكى توغرىسىدا قارار بېرىش ھوقۇقىنىڭ پەقەت تەيۋەن خەلقىگىلا مەنسۇپ ئىكەنلىكىنى تەكىتلەيدۇ.ترامپنىڭ ئېيتىشىچە، خىتاي دۆلەت رەئىسى شى جىنپىڭ ئۆزىگە جۇمھۇرىيەتچىلەر پارتىيەسىنىڭ رەھبىرى ۋەزىپە ئۆتەۋاتقاندا تەيۋەنگە تاجاۋۇز قىلمايدىغانلىقىنى ئېيتقان.ۋاشىنگتون بېيجىڭ بىلەن رەسمىي دىپلوماتىك مۇناسىۋەت ئورناتقان بولسىمۇ، تەيۋەن بىلەن غەيرىي رەسمىي مۇناسىۋەتنى ساقلاپ كەلمەكتە ۋە بۇ ئارالنىڭ ئەڭ مۇھىم قورال تەمىنلىگۈچىسى بولۇپ كەلمەكتە.
