لىۋان پىرېزىدېنتى جوزېف ئەۋن ۋاشىنگتوندا ئامېرىكا پىرېزىدېنتى دونالد ترامپ بىلەن ئۆتكۈزگەن سۆھبىتىدە، ئىسرائىلىيەنىڭ لىۋان زېمىنلىرىدىن پۈتۈنلەي چىكىنىشىنىڭ دۆلەتتە دائىمىي مۇقىملىقنى كاپالەتكە ئىگە قىلىش جەەتتىن ئاساسلىق بىر قەدەم ئىكەنلىكىنى ئەسكەرتتى.
لىۋان پىرېزىدېنت مەھكىمىسى ئەۋن بىلەن ترامپنىڭ ئاقسارايدىكى سۆھبىتىگە مۇناسىۋەتلىك يازما بايانات ئېلان قىلدى.
باياناتقا ئاساسلانغاندا، ئىككى دۆلەت ئوتتۇرىسىدىكى تارىخىي شېرىكچىلىك تەكىتلەنگەن سۆھبەتتە، لىۋاننىڭ مۇقىملىقى ۋە پاراۋانلىقىنى ئاشۇرۇش مەسىلىلىرى مۇزاكىرە قىلىنغان. شۇنداقلا ئامېرىكانىڭ لىۋان ئارمىيەسىگە بولغان ياردىمىنى كۆپەيتىش، ئىككى دۆلەت ئوتتۇرىسىدىكى ھەمكارلىقنى بارلىق ساھەلەردە تەرەققىي قىلدۇرۇش، ئىقتىسادىي جانلىنىش ۋە قايتا قۇرۇش مۇساپىسىنى قوللاش ھەمدە ئامېرىكا مەبلەغ سالغۇچىلىرىنى لىۋانغا جەلپ قىلىش قاتارلىق مەسىلىلەرمۇ مۇزاكىرە قىلىنغان.
ئەۋن سۆھبەتتە، ئىسرائىلىيە ئىشغال قىلىۋالغان لىۋان زېمىنلىرىدىن پۈتۈنلەي چىكىنىشىنىڭ جىددىي بىر ئېھتىياج ئىكەنلىكىنى تەكىتلەپ: «ئىسرائىلىيەنىڭ لىۋاندىن پۈتۈنلەي چىكىنىشى مۇقىملىق ئۈچۈن تاشلانغان ئاساسلىق قەدەم» دېگەن.
پىرېزىدېنت ئەۋن يەنە ئىسرائىلىيەنىڭ ھۇجۇملىرىنىڭ لىۋاندا جانغا زامىن بولۇش ۋەقەلىرى، ئىقتىسادىي زىيانلار ۋە پۈتۈن دۆلەت مىقياسىدىكى ئۇل ئەسلىھەلەردە مەيدانغا كەلگەن ئېغىر ۋەيرانچىلىقلار توغرىسىدا ترامپقا مەلۇمات بەرگەن.
