ئىسرائىلىيە قىسىملىرى، ئۇرۇش توختىتىش كېلىشىمى ھاسىل قىلىنغانلىقىغا قارىماي غەززە رايونىغا قاراتقان ھۇجۇملىرىنى يەنىلا داۋاملاشتۇرماقتا.

غەززەدىكى سەھىيە مىنىستىرلىقى تەرىپىدىن ئېلان قىلىنغان يازما باياناتتا، ئىسرائىلىيەنىڭ 2023-يىلى ئۆكتەبىردىن بۇيان ئۈزلۈكسىز داۋاملىشتۇرىۋاتقان ھۇجۇملىرىدا ئۆلتۈرۈلگگن پەلەستىنلىكلەرنىڭ سانىغا دائىر ئەڭ يېڭى مەلۇمات ھەمبەھىرلەندى.

ئاخىرقى 48 سائەت ئىچىدە غەززەدىكى دوختۇرخانىلارغا 8 جەسەت ۋە 29 يارىدارنىڭ ئېلىپ كېلىنگەنلىكى قەيت قىلىندى.

غەززەدە ئۇرۇش توختىتىش كۈچكە ئىگە بولغان 2025-يىلى 10-ئۆكتەبىردىن بۇيان، ئىسرائىلىيەنىڭ تاجاۋۇزچىلىق ھۇجۇملىرىدا 890 كىشىنىڭ ئۆلتۈرۈلگەنلىكى، 2 مىڭ 677 كىشىنىڭ يارىلانغانلىقى، ۋەيران قىلىنغا بىنالارنىڭ خارابىلىكلىرى ئاستىدىن بولسا 777 كىشىنىڭ جەسىتى تېپىلغانلىقى ئىپادىلەندى.

ئىسرائىلىيەنىڭ 2023-يىلى ئۆكتەبىردىن بۇيان غەززە رايونىغا قاراتقان ھۇجۇملىرىدا ئۆلتۈرۈلگەن پەلەستىنلىكلەرنىڭ سانى 72 مىڭ 783 كە، يارىدارلار سانىنىڭ بولسا 172 مىڭ 779 غا يەتكەنلىكى بىلدۈرۈلدى.

غەززە رايونىدا ۋەيران قىلىنغان بىنالارنىڭ خارابىلىكلىرى ئاستىدا ھازىرمۇ مىڭلىغان جەسەتلەرنىڭ بارلىقى بىلدۈرۈلمەكتە.