ئامېرىكا مەركىزىي قوماندانلىق ئىشتابىنىڭ ئىجتىمائىي تاراتقۇ ھېسابىدا مەسىلىگە دائىر ئېلان قىلىنغان باياناتتا مۇنداق دېيىلدى: «ھورمۇز بوغۇزىدىن ئۆتۈۋاتقان سودا پاراخوتلىرىغا ھۇجۇم قىلىش ئۇرۇنغان ئىرانغا تەۋە ئىنتايىن كۆپ ھۇجۇمچى ئۇچقۇچىسىز ئايروپىلانلىرى ئېتىپ چۈشۈرۈلدى. بوغۇزدىكى قاتناش ئېقىمى ھېچقانداق توسالغۇسىز شەكىلدە داۋاملاشماقتا، ئامېرىكا كۈچلىرى ئاخىرقى سائەتلەردە ھەممىسىنى تولۇق ئېتىپ چۈشۈردى»
ئامېرىكا مەركىزىي قوماندانلىق ئىشتابى يەنە: «خەلقئارالىق سودا كارىدورى ئۆتۈشكە ئوچۇق ھالەتتە تۇرۇشنى داۋاملاشتۇرماقتا» دېگەن ئۇچۇرنىمۇ ھەمبەھىرلىدى.
ئامېرىكا پېرىزىدېنتى دونالد ترامپ، تۈنۈگۈن ئېلان قىلغان باياناتىدا ئىران بىلەن بولغان كېلىشىمنىڭ تاماملىنىش ئالدىدا تۇرغانلىقىنى ئالاھىدە تەكىتلەپ، ئەتراپلىق قوشۇلۇش تېكىستى ئۈستىدىكى ئاخىرقى خىزمەتلەرنىڭ جىددىي داۋاملىشىۋاتقانلىقىنى بىلدۈرگەن ئىدى.
پاكىستان باش مىنىستىرى شاھباز شەرىفمۇ ئامېرىكا بىلەن ئىران ئوتتۇرىسىدىكى مۇزاكىرىلەرگە قاراتقان ھالدا: «تىنچلىق ھېچقانداق ۋاقىتتا بۇ دەرىجىدە يېقىن بولمىغان ئىدى» دېگەن سۆزلەرنى ئىشلەتتى.
واشىنگتون بىلەن تېھران ئوتتۇرىسىدا كېلىشىم ھاسىل قىلىنىشىغا دائىر دىپلوماتىيەلىك تىرىشچانلىقلارغا قارىماي، رايوندا ھەربىي جىددىيچىلىك يەنىلا داۋاملاشماقتا.
