تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر-ئالاقە ئىدارىسىنىڭ بىلدۈرۈشىچە، رەھبەرلەر يەكشەنبە كۈنىدىكى تېلېفون سۆھبىتىدە، ئىككى دۆلەت ئوتتۇرىسىدىكى ھەمكارلىق ئىمكانىيەتلىرى بىلەن مۇناسىۋەتلەرنى ئورتاق مەنپەئەت ۋە خەلقلەرنىڭ بەخت-سائادىتى يۆنىلىشىدە تېخىمۇ يۇقىرى پەللىگە كۆتۈرۈش يولىدا تاشلىنىدىغان قەدەملەرنى ئەتراپلىق مۇھاكىمە قىلغان.
سۆھبەتتە، بولۇپمۇ تەرەققىيات شېرىكچىلىكى قاتارلىق تۈرلۈك ساھەلەردە قولغا كەلتۈرۈلگەن ئىلگىرىلەشلەر ئاساسىدا، تۈركىيە-ئەرەب بىرلەشمە خەلىپىلىكى مۇناسىۋەتلىرىنى تېخىمۇ چوڭقۇرلاشتۇرۇش ئىرادىسى يەنە بىر قېتىم تەكىتلەنگەن. رەھبەرلەر يەنە رايونلۇق ۋە خەلقئارالىق ئورتاق كۆڭۈل بۆلىدىغان مەسىلىلەر، رايوندىكى ئەڭ يېڭى ئۆزگىرىشلەر ۋە بۇنىڭغا قارىتا ئېلىپ بېرىلىۋاتقان خىزمەتلەر ئۈستىدە پىكىر ئالماشتۇرغان.
ئىككى رەھبەر ئەسلىدە ئۆتكۈزۈلمەكچى بولغان يۈزتۇرا كۆرۈشۈشنىڭ مەلۇم سەۋەبلەر بىلەن كەينىگە سۈرۈلگەنلىكىنى تىلغا ئېلىپ، ئەڭ قىسقا ۋاقىت ئىچىدە بىر يەرگە جەم بولىدىغانلىقلىرىنى جەزملەشتۈردى.
