قازاقىستان ئۇكرائىنانىڭ مۇشۇ ھەپتە رۇسىيەدىكى ئورېنبۇرگ تەبىئىي گاز پىششىقلاپ ئىشلەش زاۋۇتىغا قاراتقان ئۇچقۇچىسىز ھاۋا ئاپپاراتى ھۇجۇمىدىن كېيىن، قاراچاگاناك نېفىت ۋە تەبىئىي گاز كېنىدىكى تەبىئىي گاز ئىشلەپچىقىرىشنى قىسقارتتى.

قازاقىستان ئېنېرگىيە مىنىستىرى ئەرلان ئاككەنژېنوف، مەزكۇر ئەسلىھەدىكى ئىشلەپچىقىرىشنىڭ كۈندىلىك تەخمىنەن %25 قىسقىراپ، 34 مىڭ توننىدىن 25 مىڭ توننىغا چۈشۈپ قالغانلىقىنى ئېلان قىلدى.

2024-يىلى كۈنىگە تەخمىنەن 263 مىڭ ۋارىل نېفىت ئىشلەپچىقارغان مەزكۇر ئەسلىھە، ھازار تۇرۇبا يولى گۇرۇھى (CPC) ئارقىلىق قارادېڭىزدىكى پورتلاردىن ياكى رۇسىيەنىڭ گېرمانىيەگە تۇتىشىدىغان <درۇژبا> نېفىت تۇرۇبا يولى ئارقىلىق ئېكسپورت قىلىدۇ. مەزكۇر ئەسلىھە شۇنىڭ بىلەن بىر ۋاقىتتا رۇسىيەدىكى ئورېنبۇرگ زاۋۇتىنى پىششىقلاپ ئىشلەنمىگەن گاز بىلەن تەمىنلەيدۇ.

قاراچاگاناكتا Chevron ۋە Shell دىن باشقا، ئىتالىيەنىڭ Eni، رۇسىيەنىڭ Lukoil ۋە قازاقىستاننىڭ KazMunayGas شىركەتلىرى پايچى سۈپىتىدە ئورۇن ئالىدۇ.

ئۇكرائىنا رۇسىيەدىكى نېفىت ۋە تەبىئىي گاز ئەسلىھەلىرىگە ھۇجۇم قىلىش ئارقىلىق، زېمىنلىرىنى بېسىۋالغان رۇسىيەنىڭ ئىقتىسادىنى نىشان قىلىپ، ئارمىيەسىنى مەبلەغ بىلەن تەمىنلەشنى چەكلەشنى مەقسەت قىلماقتا.

يەنە بىر تەرەپتىن، مىنىستىر ئاككەنژېنوف رۇسىيەنىڭ قازاقىستاندىن رەسمىي ھالدا يېقىلغۇ تەلەپ قىلمىغانلىقىنى بىلدۈردى.

ساھەگە ئالاقىدار تۆت مەنبە رېيتېر ئاگېنتلىقىغا بەرگەن باياناتىدا، نېفىت پىششىقلاپ ئىشلەش زاۋۇتلىرىدىكى ئىشلەپچىقىرىشنىڭ توختاپ قېلىشى ۋە پىلاندىن تاشقىرى رېمونت ئىشلىرى سەۋەبىدىن دۆلەت ئىچىدىكى تەمىنلەشتە مەسىلە كۆرۈلگەن رۇسىيەنىڭ، تەخمىنەن 50 مىڭ توننا AI-92 تىپلىق دىزېل يېقىلغۇسى سېتىۋېلىش ئۈچۈن قازاقىستان بىلەن سۆھبەت ئۆتكۈزۈۋاتقانلىقىنى يەتكۈزگەن ئىدى.»