ئامېرىكا ئاۋام پالاتاسى ئىرانغا قىلىنىۋاتقان ھۇجۇملارنى توختىتىشقا قارىتىلغان، پىرېزىدېنت دونالد ترامپقا رايوندىكى ھەربىي كۈچىنى چېكىندۈرۈپ چىقىش بۇيرۇقى چۈشۈرىدىغان «ئۇرۇش ھوقۇقى قانۇن لايىھەسى» نى ماقۇللىدى.
ئاۋام پالاتاسىدا دېموكراتچىلار پارتىيەسىنىڭ ئەزاسى سېت مولتون سۇنغان ئۇرۇش ھوقۇقىغا ئالاقىدار قانۇن لايىھەسى ئاۋازغا قويۇلدى.
ئىرانغا قىلىنىۋاتقان ھۇجۇملارنى توختىتىش نىشانى بىلەن ترامپقا «رايوندىكى ھەربىي كۈچنى چېكىندۈرۈپ چىقىش» بۇيرۇقى چۈشۈرىدىغان بۇ لايىھە، 204 «رەت» ئاۋازغا قارشى 220 «قوللاش» ئاۋازى بىلەن قوبۇل قىلىندى.
لايىھەگە «قوللاش» بېلىتى تاشلىغانلارنىڭ يەتتىسى جۇمھۇرىيەتچىلەر پارتىيەسىنىڭ ئەزالىرى ئىدى.
ئامېرىكا ئاۋام پالاتاسى تاشقى مۇناسىۋەتلەر كومىتېتىنىڭ دېموكراتچىلار پارتىيەسى ئەزاسى گرېگورىي مىكس ئېلان قىلغان يازما باياناتىدا، ئىران بىلەن 200 كۈندىن بېرى داۋاملىشىۋاتقان جىددىيچىلىكتە ترامپ ھۆكۈمىتىنىڭ بېكىتكەن نىشانلىرىغا يېتەلمىگەنلىكىنى بىلدۈردى.
مىكس يېقىلغۇ باھاسى، پۇل پاخاللىقى ۋە ھۆكۈمەت چىقىملىرىدىكى ئېشىشنى تەنقىد قىلىپ مۇنداق دېدى:
«بۇ، ئۇرۇشنى ئاخىرلاشتۇرۇش ئۈچۈن قۇرۇلتاي تەستىقلىغان ئۈچىنچى قېتىملىق ئۇرۇش ھوقۇقى قانۇن لايىھەسى بولدى. ئامېرىكا پىرېزىدېنتى بۇ مەغلۇبىيەتلىك ئۇرۇشقا خاتىمە بېرىشى ھەمدە ھورمۇز بوغۇزىنى ئاچىدىغان ۋە جىددىيچىلىكنى پەسەيتىدىغان دىپلوماتىك بىر ھەل قىلىش چارىسى ئۈستىدە كۆپ تەرەپلىك خىزمەت قىلىش ئۈچۈن ئۆي-مۈلۈك سودىگەرلىرىنى ئەمەس، بەلكى ھەقىقىي دىپلوماتلارنى تەيىنلىشى كېرەك»
