جۇمھۇر رەئىس رەجەپ تاييىپ ئەردوغان ئېكس (X) ئادرېسىدا ت ر ت قۇرۇلغانلىقىنىڭ 61 يىللىقىنى تەبرىكلەپ ئۇچۇر ھەمبەھرلىدى.

 ئۇ ئۇچۇرىدا مۇنداق دېدى:

«ت ر ت دۇنيادا ئالدىنقى قاتاردىكى تاراتقۇ ئورگانلىرى ئارىسىدا ئۆز ئورنىنى تىكلەپ، تۈركىيەنىڭ خەلقئارادىكى ئاۋازى بولۇپ كەلدى.»

ئۇ ت ر ت ئائىلىسىنىڭ بارلىق ئەزالىرىغا ياخشى تىلەكلىرىنى ئىزھار قىلىپ، ئۇلارنىڭ خىزمىتىدە داۋاملىق مۇۋەپپەقىيەت قازىنىشىنى ئۈمىد قىلدى.

جۇمھۇر رەئىسلىك مەھكىمىسى ئۇچۇر-ئالاقە ئىدارىسىنىڭ باشلىقى فاھرەتتىن ئالتۇنمۇ ت ر ت قۇرۇلغانلىقىنىڭ 61 يىللىقىنى تەبرىكلىدى ۋە بۇ ئىدارىنىڭ تۈركىيەنىڭ ھەقىقەت، دۆلەت خاتىرىسى ۋە دۇنياۋى ئالاقە تىرىشچانلىقىدىكى مۇھىم تۈۈرۈك ئىكەنلىكىنى بىلدۈردى.

ئۇ ئۇچۇرىدا ت ر ت نى «خەلقىمىزنىڭ ئاۋازى ۋە دۆلىتىمىزنىڭ خاتىرىسى» دەپ تەرىپلەپ، ت ر ت نىڭ 61 يىللىق تارىخىدىكى ئاخباراتچىلىق ۋە دۆلەت خىزمىتىدىكى تۆھپىسىنى ماختىدى.

ئۇ مۇنداق دېدى:

 «ت ر ت ئۇزۇن يىللىق تەجرىبىسى بىلەن پەقەت ئاخبارات تارقىتىش بىلەنلا قالماي، ھەقىقەتنى قوغداپ، قىممەت ياراتتى ۋە دۆلەت بىلەن خەلق ئارىسىدا كۈچلۈك ئالاقە كۆۋرۈكى بەرپا قىلدى.»

ئۇ ت ر ت نىڭ تۈركىيەنىڭ دۇنيادىكى ئاۋازىنى كۈچەيتىشتىكى رولىنى تەكىتلىدى ۋە خەلقئارادا ئادالەت تەلەپ قىلىش ھەمدە ئۇچۇر-ئالاقىدە ئىگىلىك ھوقۇقى كۆز قارىشىنىڭ ۋەكىلى ئىكەنلىكىنى بىلدۈردى.

ئۇ: «ت ر ت كۈنىمىزدە  پەقەت تاراتقۇ ئورگىنى بولۇپلا قالماستىن، بەلكى ھەقىقەت، قىممەت ۋە كۆز قاراشنى ئالدىنقى ئورۇنغا قويغان تۈركىيە ئۇچۇر-ئالاقە ئەندىزىسىنىڭ سىمۋولى ھېسابلىنىدۇ» دېدى.

ئۇ جۇمھۇر رەئىس رەجەپ تاييىپ ئەردوغاننىڭ «تۈركىيە ئەسىرى» سايىسى ئۈستىدە توختىلىپ، ت ر ت نىڭ تۈركىيەنىڭ دۇنيا سەھنىسىدىكى ئورنىنى كۈچەيتىشتىكى مۇھىم رولىنى قايتا-قايتا تەكىتلىدى.

ئۇ ھۆكۈمەتنىڭ ئىستراتېگىيەلىك ئۇچۇر-ئالاقە سىياسىتى رامكىسىدا، ت ر ت نىڭ ئورگان كۈچىنى، ئىشلەپچىقىرىش ئىقتىدارى ۋە دۇنياۋى تەسىر كۈچىنى كېڭەيتىشكە داۋاملىق قوللايدىغانلىقلىرى توغرىسىدا ۋەدە بەردى.

ئۇ ئاخىرىدا، ت ر ت نىڭ ھازىرقى ۋە بۇرۇنقى  خىزمەتچىلىرىگە رەھمەت ئېيتىپ، ئىدارىنىڭ ئاخبارات تارقىتىش يولىدا داۋاملىق مۇۋەپپەقىيەت قازىنىشىنى ئۈمىد قىلدى.