سۈرىيە دۆلەت مۇداپىئە مىنىستىرلىقى جۈمە (2026-يىلى 9-يانۋار) كۈنى ۋاقىتلىق ئوق چىقىرىشنى توختىتىش كېلىشىمى كۈچكە ئىگە بولۇپ ئالتە سائەت ئۆتكەندە بۇزۇلغاندىن كېيىن، «پ ك ك|ي پ گ گۇرۇھىنىڭ ئەزالىرى ھەلەب (Aleppo) تىن فىرات دەرياسىنىڭ شەرقىي قىرغىقىدىكى رايونلارغا يۆتكىلىدۇ» دېدى.
ھەلەب ئاخبارات ئىدارىسىنىڭ خەۋىرىگە قارىغاندا، مىنىستىرلىق ي پ گ تېررورچىلىرىنىڭ «بىر قانچە سائەت ئىچىدە» شەھەردىكى مەھەللىلەردىن چىقىرىلىدىغانلىقىنى، ئۇلارنىڭ پەقەت يېنىك تىپتىكى شەخسىي قوراللارنىلا ئېلىپ ماڭىدىغانلىقىنى بىلدۈرگەن.
بۇ بايانات دەمەشىق تەرەپ بېكىتكەن چېكىنىش مۆھلىتى توشقاندىن كېيىن ئېلان قىلىنغان بولۇپ، دائىرىلەر بۇ گۇرۇھنىڭ كېلىشىمگە تولۇق ئەمەل قىلمىغانلىقىنى ئېيتقان.
تېررورلۇققا قارشى تۇرۇش ھەرىكەتلىرى داۋاملىشىدۇ
سۈرىيە ئەمەلدارلىرى ئەگەر فىراتنىڭ شەرقىگە چېكىنىش ئەمەلگە ئاشمىسا، نىشانلىق ھەربىي ھەرىكەتلەرنىڭ داۋاملىشىدىغانلىقىنى ئاگاھلاندۇردى.
ھۆكۈمەتكە قاراشلىق ئەل-ئىخبارىيە (Alikhbaria) تېلېۋىزىيەسىنىڭ خەۋەر قىلىشىچە، ئاپتوموبىللار شەيخ مەخسۇد مەھەللىسىگە كىرىپ ي پ گ ئەزالىرىنى توشۇش ئۈچۈن لەيرامۇن ئايلانما يولىغا يېتىپ بارغان.
ي پ گ بولسا، پ ك ك تېررورلۇق تەشكىلاتىنىڭ سۈرىيەدىكى بىر قانىتى سۈپىتىدە بىلىنىدۇ.
سۈرىيە ئەرەب خەۋەر ئاگېنتلىقىنىڭ خەۋەر قىلىشىچە، ھەلەب بىلەن ئۇنىڭ شىمالىي يېزىلىرىنى تۇتاشتۇرىدىغان مۇھىم كاستېللو (Castello) يولىنىڭ، رايوننىڭ بىخەتەرلىكى ۋە جەمئىيەت ئامانلىقى كاپالەتكە ئىگە قىلىنغاندىن كېيىن قاتناشقا ئېچىۋېتىلگەن.
تەۋسىيە
ئىچكى خەۋپسىزلىك كۈچلىرى سۈرىيە ئارمىيەسى بىلەن ماسلىشىپ، ي پ گ تېررورچىلىرىنىڭ شەيخ مەخسۇدتىن سۈرىيەنىڭ شەرقىي شىمالىغا چېكىنىشى ئۈچۈن بىخەتەر كارىدور ئېچىشقا تەييارلىق قىلماقتا.
مۇناسىۋەتلىك ئۇچۇرلارTRT World - Syrian Defence Ministry announces ceasefire in Aleppo neighbourhoods
