جۇمھۇر رەئىس رەجەپ تاييىپ ئەردوغان ئەنگلىيە باش ۋەزىرى كېيىر ستارمېر بىلەن ئۆتكۈزگەن سۆھبەتتە، ئامېرىكا ۋە ئىسرائىلىيەنىڭ ئىرانغا قىلغان ھۇجۇملىرىدىن كېيىن كۈچىيىۋاتقان جىددىي ۋەزىيەتكە بولغان ئەندىشىلىرىنى ئىپادىلىدى.
جۇمھۇر رەئىس رەجەپ تاييىپ ئەردوغان ئەنگلىيە باش ۋەزىرى كېيىر ستارمېر بىلەن ئېلىپ بارغان تېلېفون سۆھبىتىدە، ئامېرىكا ۋە ئىسرائىلىيەنىڭ ئىرانغا قىلغان ھۇجۇملىرىدىن كېيىن كۈچىيىۋاتقان جىددىي ۋەزىيەتكە بولغان ئەندىشىلىرىنى بايان قىلدى.
تۈركىيە جۇمھۇر رەئىسلىك مەھكىمىسى ئۇچۇر-ئالاقە ئىدارىسى تەرىپىدىن ئېلان قىلىنغان باياناتقا ئاساسلانغاندا، ئەردوغان سۆھبەتتە: «تۈركىيە ئىرانغا قارىتىلغان ھۇجۇملار بىلەن باشلانغان مۇساپىنى يېقىندىن كۆزىتىۋاتىدۇ. مۇداخىلىلەرنىڭ ئۇزىراپ كېتىشى رايون ۋە يەر شارى خاراكتېرلىك مۇقىملىققا ئېغىر زىيان يەتكۈزۈشى مۇمكىن» دېدى.
ئەردوغان يەنە: «مۇنازىرە مۇنبىرى ھازىرلاش ئۈچۈن يەنىلا تاشلاشقا بولىدىغان قەدەملەر بار، بىزنىڭ تىنچلىقنى نىشان قىلغان تىرىشچانلىقلىرىمىز داۋاملىشىۋاتىدۇ» دېدى.
باياناتقا ئاساسلانغاندا، سۆھبەتتە تۈركىيە بىلەن ئەنگلىيە ئوتتۇرىسىدىكى ئىككى تەرەپلىك مۇناسىۋەتلەر، شۇنداقلا رايون خاراكتېرلىك ۋە يەر شارى خاراكتېرلىك ئۆزگىرىشلەرمۇ مۇزاكىرە قىلىنغان.
جۇمھۇر رەئىسلىك مەھكىمىسى ئۇچۇر-ئالاقە ئىدارىسىنىڭ ئاشكارىلىشىچە، ئەردوغان بولۇپمۇ مۇداپىئە سانائىتىنى ئۆز ئىچىگە ئالغان بارلىق ساھەلەردە ئەنگلىيە بىلەن بولغان ھەمكارلىقنى چوڭقۇرلاشتۇرۇش ئىرادىسىنى يەنە بىر قېتىم تەكىتلىگەن ۋە بۇ ھەمكارلىقنى تەرەققىي قىلدۇرۇشقا قارىتىلغان قەدەملەرنىڭ داۋاملىق تاشلىنىدىغانلىقىنى بىلدۈرگەن.
