بۇ ھۇجۇم، ئىسرائىلىيەنىڭ لىۋاننىڭ جەنۇبىغا قىلغان ھۇجۇملىرىدا بىر ئائىلىدىن تۆت كىشىنىمۇ ئۆز ئىچىگە ئالغان ئەڭ ئاز 29 كىشىنىڭ ئۆلتۈرۈلۈشى ۋە 42 كىشىنىڭ يارىلىنىشىدىن بىر كۈن كېيىن يۈز بەردى.
لىۋان رەسمىي خەۋەر ئاگېنتلىقىنىڭ بىلدۈرۈشىچە، ۋاقىتلىق ئۇرۇش توختىتىش كېلىشىمىگە قارىماي، ئىسرائىلىيەنىڭ جۈمە كۈنى لىۋاننىڭ جەنۇبىغا قىلغان يېڭى ھاۋا ھۇجۇمىدا ئىككى كىشى ئۆلگەن، 10 كىشى يارلانغان.
ئاگېنتلىقنىڭ سەھىيە مىنىستىرلىقىنى مەنبە كۆرسىتىپ خەۋەر قىلىشىچە، ھۇجۇم نەباتىيە ئەل-فەۋقە يېزىسىنى نىشان قىلغان ۋە ئېغىر تالاپەتلەرنى كەلتۈرۈپ چىقارغان.
پەيشەنبە كۈنى ئىسرائىلىيەنىڭ لىۋاننىڭ جەنۇبىدىكى نۇرغۇن يېزا - قىشلاقلارغا قىلغان ھاۋا ھۇجۇملىرىدا بىر ئائىلىدىن تۆت كىشىنىمۇ ئۆز ئىچىگە ئالغان ئەڭ ئاز 29 كىشى ئۆلتۈرۈلگەن، 42 كىشى يارلانغان ئىدى.
ئىسرائىلىيە 2-مارتتىن بۇيان لىۋاندا ھۇجۇملىرىنى داۋاملاشتۇرماقتا. بۇ ھۇجۇملاردا تەخمىنەن 2600 كىشى ئۆلدى، 1 مىليوندىن ئارتۇق كىشى ئۆي-ماكانلىرىدىن ئايرىلىپ قالدى.
17-ئاپرېل باشلانغان 10 كۈنلۈك ئۇرۇش توختىتىش كېلىشىمىنىڭ مۇددىتى كېيىنچە 17-مايغىچە ئۇزارتىلدى. لېكىن ئىسرائىلىيە لىۋاننىڭ جەنۇبىدىكى ھاۋا ھۇجۇملىرى ۋە ئۆي - ماكانلارنى ۋەيران قىلىش ھەرىكەتلىرى بىلەن ئۇرۇش توختىتىش كېلىشىمىگە ھەر كۈنى خىلاپلىق قىلىشنى داۋاملاشتۇرماقتا.
