تۈركىيە تاشقى ئىشلار مىنىستىرلىقىنىڭ رۇسىيەنىڭ «قانۇنسىز راي سىناش» يولى ئارقىلىق قىرىمنى بېسىۋالغانلىقىنىڭ 12 - يىللىقى مۇناسىۋىتى بىلەن دۈشەنبە كۈنى ئېلان قىلىنغان باياناتىدا، ئەنقەرەنىڭ «قىرىمدىكى ئەمەلىي ئەھۋال» نى ئېتىراپ قىلمايدىغانلىقى، چۈنكى بۇنىڭ «خەلقئارا قانۇنغا خىلاپ» ئىكەنلىكى تەكىتلىنىپ مۇنداق دېيىلدى:
«ئۇكرائىنانىڭ مۇستەقىللىقى، ئىگىلىك ھوقۇقى ۋە زېمىن پۈتۈنلۈكىنى كۈچلۈك قوللاشنى داۋاملاشتۇرۇۋاتقان دۆلىتىمىز، قىرىم تاتار تۈركلىرىنىڭ ئەھۋالى ئاساسلىق ئورۇندا تۇرۇش شەرتى بىلەن يېرىم ئارالدىكى ئۆزگىرىشلەرنى يېقىندىن كۆزىتىپ، كۈنتەرتىپتە تۇتۇشنى داۋاملاشتۇرىدۇ.»
رۇسىيە 2014-يىلى ئۇكرائىنانىڭ قىرىم يېرىم ئارىلىنى بېسىۋالغان ئىدى. بۇ ھەرىكەت تۈركىيە ۋە بىرلەشكەن دۆلەتلەر تەشكىلاتى ئومۇمىي كېڭىشىنىمۇ ئۆز ئىچىگە ئالغان خەلقئارا جەمئىيەت تەرىپىدىن قانۇنسىز دەپ قارالغان ئىدى.
