ئىراق باش مىنىستىرىنىڭ بىخەتەرلىك مەسىلىلىرى بويىچە مەسلىھەتچىسى قاسىم ئەلئەئرەجى دۆلەت ئىگىلىكىدىكى «ئەلئىراقىييە» تېلېۋىزىيە قانىلىغا بەرگەن باياناتىدا، ئىراقنىڭ تېھران ۋە رىياد ھۆكۈمەتلىرىگە قاراتقان يېڭى دىپلوماتىك تەشەببۇسى ھەققىدە مەلۇمات بەردى.
ئەئرەجى ئىران بىلەن سەئۇدى ئەرەبىستان ئوتتۇرىسىدىكى مۇناسىۋەتكە ئىشارەت قىلىپ مۇنداق دېدى: «بىز ئىران ۋە سەئۇدى ئەرەبىستانغا ئورتاق بىخەتەرلىكنى ماسلاشتۇرۇش كېڭىشى قۇرۇش تەكلىپىنى سۇندۇق. ئىككى دۆلەت ئوتتۇرىسىدىكى ئاساسلىق مەسىلە ئىشەنچ كىرىزىسىدىن كېلىپ چىقىۋاتىدۇ».
ئەئرەجى تەكلىپنىڭ تەپسىلاتى ھەققىدە مەلۇمات بەرمىدى. ئىران ۋە سەئۇدى ئەرەبىستان دائىرىلىرىمۇ بۇ ھەقتە تېخى رەسمىي بايانات ئېلان قىلمىدى.
