تۈركىيە
2 مىنۇت ئوقۇش
ئەردوغان ت ر ت قۇرۇلغانلىقىنىڭ 62 يىللىقىنى تەبرىكلىدى
جۇمھۇر رەئىس رەجەپ تاييىپ ئەردوغان تۈركىيە رادىيو-تېلېۋىزىيە ئىدارىسى-ت ر ت (TRT) قۇرۇلغانلىقىنىڭ 62 يىللىقىدا ئۇنىڭ دۇنيادىكى تەسىرى ۋە كۆپ تىللىق تارقىتىش ئىقتىدارىنى ماختىدى.
ئەردوغان ت ر ت قۇرۇلغانلىقىنىڭ 62 يىللىقىنى تەبرىكلىدى
رەجەپ تاييىپ ئەردوغان تۈركىيە رادىيو-تېلېۋىزىيە ئىدارىسى-ت ر ت قۇرۇلغانلىقىنىڭ 62 يىللىقىنى تەبرىكلىدى. / TRT World and Agencies

تۈركىيە جۇمھۇر رەئىسى رەجەپ تاييىپ ئەردوغان جۈمە (2026-يىلى 1-ماي) كۈنى تۈركىيە رادىيو-تېلېۋىزىيە ئىدارىسى-ت ر ت  قۇرۇلغانلىقىنىڭ 62 يىللىقىنى تەبرىكلەپ،  ت ر ت نى دۇنيا تاراتقۇلىرىدىكى «مۇھىم تايانچ نۇقتا» ۋە كۈنسېرى كۆپىيىۋاتقان ساختا ئۇچۇرلارغا تاقابىل تۇرغۇچى كۈچ دەپ ماختىدى.

جۇمھۇر رەئىس رەجەپ تاييىپ ئەردوغان ت ر ت باش مۇدىرى مەھمەت زاھىد سوباجىغا ئەۋەتكەن تەبرىك تېلېگراممىسىدا، ت ر ت نىڭ كۆپ تىللىق تارقىتىش ئىقتىدارىنى كۈچەيتىپ، رەقەملىك سۇپىلارغا ماسلاشقانلىقىنى، شۇنىڭ بىلەن بىر ۋاقىتتا «دۆلىتىمىزنىڭ ئاۋازى» ۋە «خەلقىمىزنىڭ خاتىرىسى» بولۇش رولىنى داۋاملىق جارى قىلدۇرۇۋاتقانلىقىنى بىلدۈردى.

1964-يىلى قۇرۇلغان ت ر ت، تۈركىيەنىڭ ئاممىۋى تارقىتىش ئورگىنى بولۇپ، ئاساسلىق مەبلىغى ئىجازەت ھەققى ۋە ھۆكۈمەت ياردەم پۇلى ئارقىلىق كاپالەتكە ئىگە قىلىنىدۇ.

جۇمھۇر رەئىس رەجەپ تاييىپ ئەردوغان ت ر ت نىڭ تۈركىيەنىڭ مەيدانىنى خەلقئارادا تونۇشتۇرۇش ۋە دۆلەتنىڭ «ئادالەت كۈرىشى» نى ئىلگىرى سۈرۈشتە مۇھىم رول ئوينايدىغانلىقىنى ئېيتىپ،  داۋاملىق «يۇقىرى سۈپەتلىك ۋە ئاخبارات ساھەسىگە يېتەكچىلىك قىلىدىغان مەزمۇنلار» نى ئىشلەپچىقىرىشى كېرەكلىكىنى تەكىتلىدى.

ئۇ يەنە ت ر ت نىڭ «دۆلىتىمىزنىڭ، مىللىتىمىزنىڭ ۋە بارلىق مەزلۇملارنىڭ ئاۋانگارت ئاۋازى بولۇپ قالىدىغانلىقى» غا ئىشىنىدىغانلىقىنى ئەسكەرتتى.

ئۇ مۇنداق دېدى: «TRT نىڭ <تۈركىيە ئەسىرى> تەسەۋۋۇرىمىزنى تارقىتىش ساھەسىگە ئېلىپ كىرىشتە، شۇنداقلا دۆلىتىمىزنىڭ توغرا مەيدانىنى ۋە ئادالەت كۈرىشىمىزنى خەلقئارا جەمئىيەتكە تېخىمۇ كۈچلۈك يەتكۈزۈش تىرىشچانلىقىمىزدا ئوينىغان رولى ئىنتايىن مۇھىم.»

«تۈركىيە ئەسىرى» ئەردوغاننىڭ 2023-يىلى جۇمھۇرىيەت قۇرۇلغانلىقىنىڭ 100 يىللىقى مۇناسىۋىتى بىلەن ئوتتۇرىغا قويغان ئاساسلىق سىياسىي تەسەۋۋۇرى بولۇپ، ئۇ تۈركىيەنىڭ دىپلوماتىيە، مۇداپىئە، ئىقتىساد ۋە تاراتقۇ قاتارلىق ساھەلەردىكى دۇنياۋى تەسىرىنى كېڭەيتىشنى مەقسەت قىلىدۇ، شۇنداقلا ئىستراتېگىيەلىك ئالاقە ۋە خەلقئارا تەسىر كۈچىگە ئالاھىدە ئەھمىيەت بېرىدۇ.

ت ر ت دۆلەت ئىچى ۋە خەلقئارالىق قاناللار، رادىيو ۋە رەقەملىك سۇپىلاردىن تەركىب تاپقان كەڭ تورنى باشقۇرۇۋاتقان بولۇپ، دۇنياغا 40 تىن ئارتۇق تىلدا تارقىتىش بېرىدۇ. بۇنىڭ ئىچىدە ت ر ت ۋورلد (TRT World)، ت ر ت ئەرەبچە (TRT Arabi)، ت ر ت ئىسپانچە (TRT Espanol) قاتارلىق مەخسۇس خەلقئارالىق قاناللار بار.

ئىزدىنىڭ
ئۆزئارا ئۇرۇش توختىتىش تەكلىپىنى ئوتتۇرىغا قويۇلۇۋاتقان پەيتلەردىكى ھۇجۇملاردا 20 ئۇكرائىنالىق ئۆلدى
كۇبا ئامېرىكانىڭ ھەربىي ھەرىكەت تەھدىتى ۋە ئىقتىسادىي ئۇرۇشلىرىغا قارشى بايانات ئېلان قىلدى
ئامېرىكا ئۇكرائىناغا 373 مىليون دوللارلىق قورال سېتىپ بېرىشنى پىلانلىماقتا
ئىران: دۇنيا لوڭقىسىغا قاتنىشىشىمىز FIFA نىڭ بېرىدىغان كاپالىتىگە باغلىق
ئىران: «ھۆرمۈز بوغۇزىدىكى ئامېرىكا ھۇجۇمىدا 5 پۇقرا ئۆلدى»
ئامېرىكا-ئىران جىددىي ۋەزىيىتىنىڭ كۈچىيىشى بىلەن پاي چېكى تۆۋەنلىدى، نېفىت باھاسى يۇقىرى ھالەتتە
ئامېرىكا پرېزىدېنتى ترامپ: «ئىران بىلەن «كىچىك ئۇرۇش» ھالىتىدە تۇرۇۋاتىمىز» دېدى
ئۇرۇشنىڭ تەننەرخى ئېغىر، ئامېرىكالىقلار ئاپتوموبىلنى ئاز ئىشلەتمەكتە، تەتىللەر ئەمەلدىن قالدۇرۇلدى
گىرېتسىيە تاراتقۇلىرىدا تۈركىيە ۋەھىمىسى: ياۋروپا ئەنقەرەگە يۈزلەنمەكتە
غەربىي بېنگال ئۆلكىلىرى سايلىمىدا مودىنىڭ باھاراتىيا جاناتا پارتىيەسى «تارىخىي» غەلىبە قازاندى
2026-يىللىق «ساھا» مۇداپىئە كۆرگەزمىسى بۈگۈن ئىستانبۇلدا باشلىنىدۇ
خىتايدىكى بىر ئېتىلداق زاۋۇتىدا غايەت زور پارتلاش يۈز بېرىپ، 21 كىشى ئۆلدى
رۇسىيەنىڭ ئۇكرائىنا مىقياسىدىكى ھۇجۇملىرىدا 14 كىشى ئۆلدى، 60 كىشى يارىلاندى
جەۋدەت يىلماز 8-نۆۋەتلىك ياۋروپا سىياسىي جەمئىيىتى باشلىقلار يىغىنىغا قاتناشتى
مىرزىيايېۋ ئاسىيا تەرەققىيات بانكىسى مۇدىرىيەت كېڭىشىنىڭ ئېچىلىش يىغىنىدا سۆز قىلدى