تۈركىيە قاتناش مىنىستىرلىقى تۈركىيە جۇمھۇرىيىتى دۆلەت تۆمۈر يوللىرى شىركىتى— TCDD بىلەن سەئۇدى ئەرەبىستان دۆلەت تۆمۈر يوللىرى شىركىتى —SAR ئوتتۇرىسىدا تۆمۈر يوللارنى ئاسراش، رېمونت قىلىش، ئۇل ئەسلىھە قۇرۇلۇشىنى تەرەققىي قىلدۇرۇش، قاتناشنى باشقۇرۇش ۋە سىغىمچانلىقىنى تەقسىملەش، تەربىيەلەش ھەمدە مەسلىھەت بېرىش قاتارلىق ساھەلەر بويىچە كېلىشىملەرنىڭ ئىمزالانغانلىقىنى ئېلان قىلدى.
تۈركىيە جۇمھۇرىيىتى دۆلەت تۆمۈريوللىرى شىركىتى بىلەن سەئۇدىي ئەرەبىستان دۆلەت تۆمۈر يوللىرى شىركىتى تۆمۈريوللارنى ئاسراش ۋە رېمونت قىلىش، ئۇل ئەسلىھە قۇرۇلۇشىنى تەرەققىي قىلدۇرۇش، قاتناشنى باشقۇرۇش ۋە سىغىمچانلىقىنى تەقسىملەش، تەربىيەلەش ۋە مەسلىھەت بېرىش قاتارلىق ساھەلەردە ھەمكارلىق ئورنىتىش رامكا كېلىشىمى ئىمزالىدى.
بۇ كېلىشىم دۈشەنبە كۈنى TCDD باش دىرېكتورى ۋەيسى قۇرت بىلەن SAR باش دىرېكتورى بەششار بىن خالىد ئەلمالىك رىياسەتچىلىكىدىكى ھەيئەتلەرنىڭ قاتنىشىشى بىلەن سەئۇدىي ئەرەبىستاندا ئۆتكۈزۈلگەن يىغىنلار جەريانىدا ئىمزالاندى. تۈركىيە قاتناش مىنىستىرلىقى بۇ يېڭىلىقنى تۈركىيەنىڭ NSosyal ناملىق ئىجتىمائىي تاراتقۇ سۇپىسىدا ئېلان قىلدى.
باياناتتا: «يىغىندا تۆمۈريولنى ئاسراش ۋە رېمونت قىلىش، ئۇل ئەسلىھە قۇرۇلۇشىنى تەرەققىي قىلدۇرۇش، قاتناشنى باشقۇرۇش ۋە سىغىمچانلىقىنى تەقسىملەش، تەربىيەلەش ۋە مەسلىھەت بېرىش قاتارلىق ساھەلەردە ئۇزاق مۇددەتلىك ھەمكارلىق پۇرسەتلىرى مۇزاكىرە قىلىندى» دېيىلدى.
يىغىنلارنىڭ ئاخىرىدا، ئىككى دۆلەت تۆمۈريول شىركىتى ئوتتۇرىسىدا «تۆمۈريول ساھەسىدىكى ھەمكارلىقنى تەرەققىي قىلدۇرۇشقا ئائىت ھەمكارلىق ئورنىتىش رامكا كېلىشىمى» ئىمزالاندى.
باياناتتا، «بۇ ھەمكارلىق ئارقىلىق TCDD خەلقئارالىق تۆمۈريول تورىدىكى كۈچلۈك ھەمكارلىق مۇناسىۋىتىنى مۇستەھكەملەشنى ۋە تۈركىيەنىڭ دۇنياۋى قاتناش كارىدورلىرىدىكى يېتەكچى ئورنىنى تېخىمۇ پۇختىلاشنى نىشان قىلىدۇ» دېگەن ئىبارىلەرگە ئورۇن بېرىلدى.
تۆمۈريول ھەمكارلىق تورىنى كېڭەيتىش
تۈركىيە يېقىنقى مەزگىللەردە ئەرەب دۇنياسىدا تۆمۈريول ھەمكارلىق تورىنى كېڭەيتمەكتە. تۈركىيە قاتناش مىنىستىرى ئابدۇلقادىر ئۇرالئوغلۇنىڭ بىلدۈرۈشىچە، تۈركىيە، سۈرىيە ۋە ئىيوردانىيەنىڭ قاتناش مىنىستىرلىرى رايونلۇق قاتناشتا تارىخىي بىر قەدەم سۈپىتىدە ھىجاز تۆمۈريولىنى قايتىدىن جانلاندۇرۇش توغرىسىدا كېلىشىم ھاسىل قىلغان.
مىنىستىر سۈرىيەدىكى تۆمۈريولىنىڭ كەم قالغان 30 كىلومېتىرلىق (18.6 مىل) ئۇل-ئەسلىھەسىنىڭ تۈركىيەنىڭ قوللىشى بىلەن پۈتتۈرۈلىدىغانلىقىنى بىلدۈردى.
ئۇرالئوغلۇ يەنە ئىيوردانىيە تەرەپنىڭ سۈرىيەدىكى پويىزلارنى ئاسراش، رېمونت قىلىش ۋە يۈرۈشتۈرۈش ئۈچۈن تېخنىكىلىق ئىمكانىيەتلەرنى تەتقىق قىلىدىغانلىقىنى بىلدۈرۈش بىلەن بىرگە، تۈركىيەنىڭ ئەقەبە پورتى ئارقىلىق قىزىل دېڭىزغا تۇتىشىدىغان لىنىيەسىنى كۈچەيتىش ئۈچۈن ئورتاق تېخنىكىلىق خىزمەتلەرنىڭ ئىشلىنىدىغانلىقىنى تەكىتلىدى.
