مىكروسوفتقا تەۋە بولغان داڭلىق ئىنتېرنېت سۆھبەت ۋە تېلېفون مۇلازىمىتى Skype، تەخمىنەن 22 يىللىق مۇلازىمىتىدىن كېيىن دۈشەنبە كۈنى تاقىلىدۇ.
Skype بىر گۇرۇپپا ئىنژېنېرلار تەرىپىدىن ياسالغان بولۇپ، مىكروسوفت 2011-يىلى بۇ داڭلىق سۆھبەت پىروگراممىسىنى سېتىۋالغان ئىدى. بۇ يىل 28-فېۋرالدا مىكروسوفت Skype نىڭ ئىشلىتىش مۇددىتىنىڭ توشقانلىقىنى ئۇقتۇردى.
مىكروسوفت تەرىپىدىن ئېلان قىلىنغان باياناتتا مۇنداق دېيىلدى:
«2025-يىلى ماي ئېيىدىن باشلاپ Skype نى ئىشلەتكىلى بولمايدۇ.»
مىكروسوفت ئىشلەتكۈچىلەرنىڭ بارلىق سۆھبەتلىرى ۋە ئالاقىدىكى كىشىلىرىگە ئېرىشىشى ئۈچۈن، Skype سەھىپىلىرى ئارقىلىق Microsoft Teams Free غا كىرىشىنى تەۋسىيە قىلدى.
مىكروسوفتنىڭ باياناتىدا، ئىشلەتكۈچىلەرنىڭ Microsoft Teams ئارقىلىق Skype دا ئىشلەتكەن يەككە-يەككە ھالىتىدە تېلېفونلىشىش، گۇرۇپپا ھالىتىدە تېلېفونلىشىش، ئۇچۇرلىشىش ۋە ھۆججەت ئورتاقلىشىش قاتارلىق ئاساسىي ئىقتىدارلارغا ئېرىشەلەيدىغانلىقى تەكىتلەندى.
يەنە بىر باياناتتا مۇنداق دېيىلدى:
«2025-يىلى 5-مايدىن كېيىن، ھەقلىق ئىشلەتكۈچىلەر كۇنۇپكا تاختىسى، Skype تور بېتى ۋە Teams ئارقىلىق Skype نى داۋاملىق ئىشلىتەلەيدۇ.»
