بېلگىيەنىڭ مېخېلېن شەھىرىدىكى «ئۇرسۇلىنېن» مەكتىپىدە بومبا تەھدىتى ئۇقتۇرۇشى چىقىرىلغاندىن كېيىن، دائىرىلەر 1700 ئوقۇغۇچىنى تارقاقلاشتۇردى.
بېلگىيە دۆلەتلىك رادىيو-تېلېۋىزىيە ئىستانسىسى RTV نىڭ خەۋىرىگە قارىغاندا، چۈشلۈك دەم ئېلىش ۋاقتىدا مەكتەپكە تېلېفون قىلغان بىر كىشى، ئوخشاش بىر ئۇچۇر تەكرارلانغان ئاۋازلىق خاتىرە ئارقىلىق بومبا تەھدىتى ئۇچۇرى يەتكۈزگەن.
ساقچىلار خەۋەرلەندۈرۈلگەندىن كېيىن، ۋەقە يۈز بەرگەن جايغا كۆپ ساندا ساقچى ئەترىتى ئەۋەتىلگەن. مەكتەپ ئەتراپىدىكى قاتناشنى چەكلىگەن ساقچىلار، مەكتەپ بىنالىرىدا مەشىقلەندۈرۈلگەن ئىزدەش ئىتلىرى بىلەن تەكشۈرۈش باشلىغان.
يەسلى، باشلانغۇچ ۋە ئوتتۇرا مەكتەپ باسقۇچلىرىدا ئوقۇۋاتقان 1700 ئوقۇغۇچى دائىرىلەر تەرىپىدىن بىخەتەر شەكىلدە تارقاقلاشتۇرۇلۇپ، مەكتەپ يېقىنىدىكى بىر چېركاۋغا ئورۇنلاشتۇرۇلغان.
ئوقۇغۇچىلار ۋاقىتلىق چېركاۋدا كۈتۈپ تۇرغان بولۇپ، بومبا تەھدىتىنىڭ ھەقىقىي خەۋپكە چېتىشلىقى بار-يوقلۇقى تېخى ئېنىقلانمىغان.
