خەلقئارا
1 مىنۇت ئوقۇش
CNN: ترامپ بۇيرۇق بەرسە، ئامېرىكا 96 سائەت ئىچىدە ئىرانغا كەڭ كۆلەملىك ھۇجۇم باشلىيالايدۇ
CNN نىڭ خەۋەر قىلىشىچە، ئامېرىكا قىسىملىرى پىرېزىدېنت ترامپتىن بۇيرۇق تاپشۇرۇۋالغاندىن كېيىن، 96 سائەت ئىچىدىلا ئىرانغا يېڭىدىن ھۇجۇم باشلاشقا تامامەن تەييار ھالەتتە تۇرماقتا ئىكەن.
CNN: ترامپ بۇيرۇق بەرسە، ئامېرىكا 96 سائەت ئىچىدە ئىرانغا كەڭ كۆلەملىك ھۇجۇم باشلىيالايدۇ
CNN: «ئەگەر ترامپ قارار چىقارسا، ئامېرىكا ئارمىيەسى 96 سائەت ئىچىدە ئىرانغا چوڭ كۆلەملىك ھۇجۇم باشلىيالايدۇ»

CNN قانىلى ئىسمىنى ئاشكارىلاشنى خالىمىغان ئىككى نەپەر ئامېرىكالىق يۇقىرى دەرىجىلىك ئەمەلدارنىڭ سۆزىنى نەقىل كەلتۈرۈپ بەرگەن خەۋىرىدە، ئامېرىكانىڭ ئىرانغا قارشى كەڭ كۆلەملىك ھۇجۇم قىلىش پىلانلىرىنى ئاللىقاچان تۈزۈپ چىققانلىقىنى، ئەگەر پىرېزىدېنت دونالد ترامپ ھۇجۇم قىلىش قارارىنى چىقارسىلا، ئوتتۇرا شەرققە ئورۇنلاشتۇرۇلغان ئامېرىكا قىسىملىرىنىڭ 96 سائەت ئىچىدە بۇ ھەرىكەتنى قوزغىيالايدىغانلىقىنى ئاشكارىلىدى.

خەۋەردە ئىلگىرى سۈرۈلۈشىچە، ئېھتىماللىقى بولغان بۇ ھۇجۇملارنى قانات يايدۇرۇش ئۈچۈن مەزكۇر رايوندا يېتەرلىك دەرىجىدە ھەربىي كۈچ تەييار قىلىنغان بولۇپ، يېڭى ھۇجۇملارنىڭ زەربە بېرىش كۆلىمى نۆۋەتتىكى ۋەزىيەتنى كونترول قىلىش تىرىشچانلىقلىرىدىنمۇ كۆپ ھالقىپ كېتىشى مۇمكىن ئىكەن.

ئامېرىكانىڭ نۆۋەتتىكى ۋە سابىق ئەمەلدارلىرىدىن بەزىلىرىنىڭ مۆلچەرلىشىچە، ترامپ مۇشۇ يىل ئاخىرىغىچە بولغان ھەرقانداق بىر ۋاقىتتا ھۇجۇم بۇيرۇقىنى چۈشۈرۈشى مۇمكىن ئىكەن، ھەمدە بۇ قارارنىڭ زور ئېھتىماللىق بىلەن ئامېرىكادىكى ئوتتۇرا مەزگىللىك سايلامدىن كېيىن ئېلىنىدىغانلىقى پەرەز قىلىنماقتا.

خەۋەردە كۆرسىتىلىشىچە، بۇ ئەمەلدارلار ترامپنىڭ سايلامدىن كېيىن كونكېرت نېمە ئىش قىلىدىغانلىقى توغرىسىدا تېخى ئۈزۈل-كېسىل بىر قارارغا كەلمىگەنلىكىنى، بىراق نۆۋەتتە ئۇنىڭ «كەڭ كۆلەملىك ھەربىي ھەرىكەت بۇيرۇقى بېرىشكە بەكرەك مايىل كۆرۈنۈۋاتقانلىقى»نى تىلغا ئالغان. شۇنىڭ بىلەن بىرگە، ئۇلار ترامپنىڭ ئىلگىرىمۇ بەزى جىددىي ھەربىي ھەرىكەتلەرنى قوللايدىغاندەك كۆرۈنگەن بولسىمۇ، ئەمما ئاخىرقى پەيتتە يەنىلا قارارىدىن يېنىپ قالغان چاغلىرىنىڭ بولغانلىقىنىمۇ ئالاھىدە ئەسكەرتكەن.

ئىزدىنىڭ
كۈندىلىك قىسقا خەۋەرلەر | 17.11.2026
كۈندىلىك قىسقا خەۋەرلەر 16 - نويابىر دۈشەنبە
غەززەدە ئومۇمىي قازا قىلغانلار سانى 74 مىڭ 695 كە يەتتى
ئامېرىكا ئەمەلدارلىرىنىڭ بىخەتەرلىك تەدبىرلىرى كۈچەيتىگەنلىكى ئىلگىرى سۈرۈلمەكتە
پۇتىن، شى جىنپىڭ ۋە تىرامپ 19-نويابىردا شېنجېندا ئۈچ تەرەپلىك ئۇچرىشىش ئۆتكۈزىدۇ
تۈركىيە بىلەن قاتار رەھبەرلىرىنىڭ ئىستانبۇلدىكى ئۇچرىشىشىدا تارىخىي مۇداپىئە كېلىشىمى ئىمزالىدى
رۇسىيە ياۋروپانىڭ ئۇكرائىنا سۆھبىتىگە قاتنىشىشىنى «سەمىمىي بولۇش» شەرتىگە باغلىدى
مىكروسوفت يەر شارى خاراكتېرلىك تېخنىكىلىق كاشىلا سەۋەبىدىن ئەپۇ سورىدى
ئەردوغان COP31 يىغىنىدا سەككىز دۆلەت رەھبىرى بىلەن كۆرۈشتى
گېرمانىيە ئۇكرائىناغا 200 مىليون ياۋرو قىشلىق ياردەم بېرىدۇ
رۇسىيەنىڭ ۋولگوگراد شەھىرىدە  يۈز بەرگەن ئۇچقۇچىسىز ھاۋا ئاپپاراتى ھۇجۇمىدا 4 كىشى ئۆلدى
چېگرا ھالقىغان دوختۇرلار تەشكىلاتى ناسىر دوختۇرخانىسىغا قىلىنغان ھۇجۇمنى ئەيىبلىدى
ئەردوغان: COP31 دىكى قەتئىي ئىرادە پارىژ كىلىمات كېلىشىمىنى ئەمەلىيلەشتۈرۈشكە تۈرتكە بولىدۇ
پاكىستاندا مىنىبۇس دەرياغا قۇلاپ چۈشۈپ كېتىپ، 11 كىشى ھاياتىدىن ئايرىلدى
ترامپ ۋەزىپىسىدىن ئايرىلىشتىن بۇرۇن كۇبا مەسىلىسىنى ھەل قىلماقچى