رۇسىيە فېدېراتسىيە بىخەتەرلىك ئىدارىسى (FSB)، ئەنگلىيە دىپلوماتلىرى ھەققىدە ئۇچۇر توپلىغانلىقى ۋە ئۇكرائىنا جاسۇسى ئىكەنلىكى ئىلگىرى سۈرۈلگەن بىر رۇسىيە پۇقراسىنىڭ قولغا ئېلىنغانلىقىنى بىلدۈردى. مەلۇماتلارغا قارىغاندا، قولغا ئېلىنغان 1981-يىلى تۇغۇلغان مەزكۇر كىشى ئەنگلىيەنىڭ موسكۋادا تۇرۇشلۇق ئەلچىخانىسىنىڭ خەۋپسىزلىكىنى قوغدايدىغان بىر شىركەتنىڭ خادىمى بولۇپ، ئۇنىڭ ئۇكرائىنا بىخەتەرلىك ئىدارىسى (SBU) ئۈچۈن خىزمەت قىلىدىغانلىقى بېكىتىلگەن.
FSB نىڭ باياناتىدا ئىلگىرى سۈرۈلۈشىچە، كىيېۋ ھاكىمىيىتى توپلانغان ئۇچۇرلارنى ئەنگلىيە دىپلوماتلىرىغا قارىتا تېررورلۇق ھەرىكەتلىرىنى تەشكىللەشكە ئىشلەتمەكچى بولغان ۋە بۇ ئارقىلىق رۇسىيەنى ئەيىبلەپ، ئەنگلىيەنى رۇسىيە بىلەن بىۋاسىتە قوراللىق توقۇنۇشقا سۈرەپ كىرىشنى نىشان قىلغان. قولغا ئېلىنغان گۇماندار ئۆزىنىڭ ئۇكرائىنا ئىستىخباراتىغا ئىشلەيدىغانلىقىنى ئېتىراپ قىلغان بولۇپ، رۇسىيە تەرەپ بۇ ھەقتە ئەنگلىيەگە مەلۇمات يەتكۈزگەنلىكىنى بىلدۈردى.
