ئىران بەھرەيندىكى ئامېرىكا ئارمىيەسىگە تەۋە رازۋېدكا ئايروپىلانلىرى ۋە تىك ئۇچار ئايروپىلانلار جايلاشقان ساھىر ھاۋا ئارمىيە بازىسىنى ئۇچقۇچىسىز ھاۋا ئاپپاراتلىرى بىلەن نىشان قىلدى.
ئىران ئارمىيەسى تەرىپىدىن ئېلان قىلىنغان يازما باياناتتا، ئامېرىكانىڭ ھۇجۇملىرىغا جاۋاب قايتۇرۇش سۈپىتىدە ئېلىپ بېرىلغان 11-دولقۇنلۇق ھەرىكەت دائىرىسىدە، بەھرەيندە ئامېرىكا كۈچلىرى ئىشلىتىۋاتقان بازىغا ھۇجۇم قىلىنغانلىقى ئەسكەرتىلىپ مۇنداق دېيىلدى:
«ئىران ئارمىيەسى دۈشمەننىڭ شەھەر ئۇل ئەسلىھەلىرىنى ۋە بىگۇناھ كىشىلەرنى نىشان قىلغان دۈشمەنلەرچە قىلمىشلىرىغا جاۋابەن، <چاقماق ھەرىكىتى> نىڭ 11-باسقۇچىدا بەھرەيندىكى ساھىر بازىسىغا جايلاشقان تېررورچى ئامېرىكا ئارمىيەسىنىڭ تىك ئۇچار ئايروپىلانلىرى بىلەن P-8 تىپلىق رازۋېدكا ئايروپىلانلىرىنى، ئارەش ناملىق ۋەيران قىلغۇچ ئۇچقۇچىسىز ھاۋا ئاپپاراتى ھۇجۇملىرى بىلەن نىشان قىلدى.»
