جۇمھۇر رەئىس ئەردوغان ئەنقەرەنىڭ رايون خاراكتېرلىك توقۇنۇشلارنى ئاخىرلاشتۇرۇش ۋە «تېررورسىز تۈركىيە» تەشەببۇسىنى ئىلگىرى سۈرۈش ئۈچۈن خىزمەت قىلىۋاتقانلىقىنى ئېيتتى.
جۇمھۇر رەئىس رەجەپ تاييىپ ئەردوغان ئىراق كورد رايونلۇق ھۆكۈمىتى (IKBY) نىڭ رەئىسى نېچىرۋان بارزانى بىلەن تېلېفوندا كۆرۈشۈپ، رايوندىكى ئەڭ يېڭى ۋەزىيەتنى مۇزاكىرىلەشتى.
تۈركىيە جۇمھۇرىيىتى ئۇچۇر-ئالاقە ئىدارىسىنىڭ تۈركىيەنىڭ ئىجتىمائىي تاراتقۇ سۇپىسى «NSosyal» ئارقىلىق ئېلان قىلغان باياناتىغا ئاساسلانغاندا، ئەردوغان سۆھبەتتە تۈركىيەنىڭ رايوننى ئۇزۇن مۇددەتلىك پاجىئەگە سۆرەپ كىرىشى مۇمكىن بولغان ئۇرۇنۇشلارغا قارشى تىرىشچانلىقىنى داۋاملاشتۇرىدىغانلىقىنى، شۇنداقلا تېررورلۇق تەشكىلاتلىرى ۋە ئۇلارغا قاراشلىق گۇرۇپپىلارنىڭ يېقىنقى مەزگىللەردىكى ھەرىكەتلىرىنىڭ يېقىندىن كۆزىتىلىۋاتقانلىقىنى ئېيتقان.
ئەردوغان: «تۈركىيە بۇ ھالقىلىق مۇساپىدە ئىراقنىڭ يېنىدا تۇرىدۇ» دېدى.
جۇمھۇر رەئىس ئەردوغان يەنە تۈركىيەنىڭ رايون خاراكتېرلىك توقۇنۇشلارنى ئاخىرلاشتۇرۇش ۋە سۆھبەت مۇساپىسىگە قايتىشنى ئىشقا ئاشۇرۇش ئۈچۈن جىددىي تىرىشىۋاتقانلىقىنى بىلدۈردى.
ئەردوغان بىلەن بارزانى كۆرۈشۈشتە يەنە «تېررورسىز تۈركىيە» تەشەببۇسىنىڭ مۇھىملىقىنى تەكىتلىدى.
جۇمھۇر رەئىس ئەردوغان بۇنىڭدىن ئىلگىرى ئىستانبۇلدا ئۆتكۈزۈلگەن تۈرك دۆلەتلىرى تەشكىلاتىنىڭ غەيرىي رەسمىي يىغىنى دائىرىسىدە تۈرك كېڭىشىگە ئەزا دۆلەتلەرنىڭ تاشقى ئىشلار مىنىستىرلىرىنى قوبۇل قىلغان ئىدى.
