دانىيە، نورۋېگىيە ۋە شىۋېتسىيەنىڭ دۆلەتلىك ھاۋا يوللىرى شىركىتى بولغان SAS، 2016-يىلى توختىتىپ قويۇلغان ئىسرائىلىيە ئۇچۇش لىنىيەسىنى بۇ يىل قايتا باشلاش پىلانىغا مۇناسىۋەتلىك يازما بايانات ئېلان قىلدى.
باياناتتا مۇنداق دېيىلدى: «مەشغۇلات ۋە سودا ئامىللىرىغا قارىتا ئېلىپ بارغان ئەڭ يېڭى باھالاشلىرىمىز نەتىجىسىدە، پىلانلانغان كوپېنھاگېن – تېل ئاۋىۋ سەپىرىنى ھازىرقى ئەھۋالدا باشلاشقا شارائىتنىڭ مۇۋاپىق ئەمەسلىكىنى بېكىتتۇق.»
شىركەتنىڭ ئۆزگىرىشلەرنى يېقىندىن كۆزىتىۋاتقانلىقى، ئۇچۇش لىنىيەلىرىگە مۇناسىۋەتلىك باھالاشلارنىڭ قايتىدىن ئېلىپ بېرىلىدىغانلىقى قەيت قىلىندى. مەزكۇر شىركەت ئىلگىرى 26-ئۆكتەبىردىن باشلاپ تېل ئاۋىۋغا ئۇچىدىغانلىقىنى جاكارلىغان ئىدى. ئىسكاندىناۋىيە ھاۋا يوللىرى شىركىتى ئىسرائىلىيەگە بولغان ئۇچۇشلارنى 2016-يىلى سودا خاراكتېرلىك سەۋەبلەر بىلەن توختاتقان ئىدى.
