ئىسرائىلىيە ئارمىيەسىنىڭ 2023-يىلى ئۆكتەبىردىن بۇيان غەززە رايونىغا قاراتقان ھۇجۇملىرىدا ھاياتىدىن ئايرىلغانلار سانى 73 مىڭ 422 گە يەتتى. غەززەدىكى سەھىيە مىنىستىرلىقى ئېلان قىلغان باياناتىدا، ئىسرائىلىيەنىڭ غەززەگە قاراتقان ھۇجۇملىرىدا كۆرۈلگەن تالاپەتلەرگە ئالاقىدار ئەڭ يېڭى سانلىق مەلۇماتلارنى ھەمبەھرىلىدى.
باياناتتا، يېقىنقى 24 سائەت ئىچىدە غەززەدىكى دوختۇرخانىلارغا ئىككى جەسەت ۋە 32 يارىدارنىڭ ئېلىپ كېلىنگەنلىكى قەيت قىلىندى.
غەززەدە ئۇرۇش توختىتىش كېلىشىمى يولغا قويۇلغان 2025-يىلى 10-ئۆكتەبىردىن بۇيانقى ئىسرائىلىيەنىڭ ھۇجۇملىرىدا 1 مىڭ 288 كىشىنىڭ ھاياتىدىن ئايرىلغانلىقى، 4 مىڭ 290 كىشىنىڭ يارلانغانلىقى، خارابىلىكلەر ئاستىدىن بولسا 813 كىشىنىڭ جەسىتىنىڭ چىقىرىلغانلىقى بىلدۈرۈلدى.
ئىسرائىلىيەنىڭ 2023-يىلى ئۆكتەبىردىن بۇيان غەززە رايونىغا قاراتقان ھۇجۇملىرىدا ھاياتىدىن ئايرىلغانلار سانىنىڭ 73 مىڭ 422 گە، يارىلانغانلار سانىنىڭ بولسا 174 مىڭ 401 گە يەتكەنلىكى ئۇقتۇرۇلدى.
غەززە رايونىدا خارابىلىكلەر ئاستىدا يەنىلا مىڭلىغان جەسەتلەرنىڭ بارلىقى ئىلگىرى سۈرۈلمەكتە.
