پاكىستان ئارمىيەسى يەكشەنبە كۈنى ئېلان قىلغان باياناتىدا، مەملىكەتنىڭ غەربىي شىمالىدىكى خەيبەر پاختۇنخۋا ئۆلكىسىدە، ئافغانىستان چېگراسىغا يېقىن بىر رايوندا يۈز بەرگەن توقۇنۇشلاردا بەش پاكىستان ئەسكىرىنىڭ ھاياتىدىن ئايرىلغانلىقىنى ۋە 25 تېررورچىنىڭ ئۆلتۈرۈلگەنلىكىنى بىلدۈردى.
باياناتتا قەيت قىلىنىشىچە، جۈمە ۋە شەنبە كۈنلىرى پاكىستان-ئافغانىستان چېگراسىغا يېقىن شىمالىي ۋەزىرىستان ۋە قۇررام رايونلىرىدا ئىككى چوڭ تېررورچى گۇرۇھ بايقالغان ۋە دۆلەت خەۋپسىزلىك كۈچلىرى تەرىپىدىن بىر تەرەپ قىلىنغان.
شىمالىي ۋەزىرىستان رايونىدا تۆت ئۆزىنى قوشۇپ پارتلاتقۇچىنى ئۆز ئىچىگە ئالغان 15 تېررورچى ئۆلتۈرۈلگەن، قۇررام رايونىدا بولسا چېگرادىن ئۆتۈشكە ئۇرۇنغان 10 تېررورچى بىر تەرەپ قىلىنغان.
توقۇنۇش جەريانىدا بەش پاكىستان ئەسكىرى ھاياتىدىن ئايرىلدى.
بۇنىڭدىن باشقا يەنە، ئۆلتۈرۈلگەن تېررورچىلاردىن نۇرغۇن قورال – ياراغ، ئوق-دورا ۋە پارتلاتقۇچ بۇيۇملارنىڭ قولغا چۈشۈرۈلگەنلىكى بىلدۈرۈلدى.
