تۈركىيە ھىندىستان باشقۇرۇشىدىكى كاشمىردا ساياھەتچىلەرگە قارىتىلغان ھۇجۇمدا قازا قىلغانلارنىڭ ئائىلىلىرىگە تەسىلى بىلدۈردى.
«جامۇ ۋە كاشمىردىكى پەھەلگام رايونىدا پۇقرالارغا قارىتىلغان تېررورلۇق ھۇجۇمىدا كۆپ ئادەمنىڭ قازا قىلغانلىقى ۋە كۆپ ئادەمنىڭ يارىلانغانلىقى ھەققىدىكى خەۋەرنى چوڭ قايغۇ بىلەن قوبۇل قىلدۇق» دېيىلدى تۈركىيە تاشقى ئىشلار مىنىستىرلىقىنىڭ سېيشەنبە كۈنى ئېلان قىلغان باياناتىدا.
«بۇ ۋەھشىي ھۇجۇمنى قەتئىي ئەيىبلەيمىز» دېيىلدى باياناتتا.
مىنىستىرلىق داۋام قىلىپ: «قازا قىلغانلارنىڭ ئائىلىلىرىگە تەسىلى بىلدۈرۈپ، يارىلانغانلارنىڭ تېزدىن ساقىيىشىنى تىلەيمىز» دېيىلدى.
قوراللىق شەخسلەر ساياھەتچىلەرگە ئوت ئېچىپ، جامۇ ۋە كاشمىردىكى مۇھىم شەھەر سىرىناگاردىن 90 كىلومېتىر يىراقلىققا جايلاشقان پەھەلگامدا ئەڭ ئاز دېگەندە 26 ئادەمنىڭ قازا قىلىشىغا سېباب بولدى.
ھىندىستان باش مىنىستىرى نارەندرا مودى بۇ «ۋەھشىيلىك»نى ئەيىبلىدى ۋە ھۇجۇمچىلارنىڭ «ئادالەتكە تارتىلىدىغانلىقى»نى ۋەدە قىلدى.
ھۇجۇمغا مەسئۇلىيەتنى ھېچقانداق گۇرۇپپا ئۆز ئۈستىگە ئالغان يوق.
