ۇسىيە پىرېزىدېنت مەھكىمىسى، يەنى كىرېمىل سارىيى باياناتچىسى دمىترىي پېسكوۋ دۆلىتىنىڭ تۈرك دۆلەتلىرى تەشكىلاتىنىڭ خىزمەتلىرىگە قاتنىشىشىنىڭ مەنتىقىگە ئۇيغۇن كېلىدىغانلىقىنى تەكىتلىدى.
قازاقىستان پىرېزىدېنتى قاسىم جومەرت توقايېۋنىڭ رۇسىيەنىڭمۇ تەشكىلاتقا ئەزا بولۇشى يۆنىلىشىدە قەدەملەر تاشلىنىشى كېرەكلىكى توغرىسىدىكى پىكرىگە باھا بەرگەن پېسكوۋ، رۇسىيەنىڭ تۈرك دۆلەتلىرى تەشكىلاتىنىڭ خىزمەتلىرىدىن ئورۇن ئېلىشىنىڭ ئەقىلگە سىغىدىغان بىر قەدەم بولىدىغانلىقىنى بايان قىلدى.
رۇسىيەدە تۈرك تىپىدىكى نۇرغۇن مىللەتلەر ياشايدىغان كۆپلىگەن رايونلارنىڭ بارلىقىنى ئەسكەرتكەن پېسكوۋ: «رۇسىيەنىڭ تۈرك دۆلەتلىرى تەشكىلاتى خىزمەتلىرىگە قاتنىشىشى ناھايىتى توغرا بولىدۇ. بۇ يەردە رۇسىيەنىڭ بەلگىلىك رايونلىرىنىڭ ئەمەس، بەلكى بىر پۈتۈن رۇسىيەنىڭ قاتنىشىشى كۆزدە تۇتۇلماقتا» دېدى.
پېسكوۋ مەزكۇر تېمىغا مۇناسىۋەتلىك تېخىچە رەسمىي بىر تەكلىپنامە تاپشۇرۇۋالمىغانلىقىنى ئەسكەرتىپ، بۇ مەسىلىنىڭ قازاقىستان بىلەن ئۆتكۈزۈلىدىغان سۆھبەتلەردە كۈنتەرتىپكە كېلىدىغانلىقىنى سۆزلىرىگە ئىلاۋە قىلدى.
