گىرېتسىيەدە، ھاكىمىيەت بېشىدىكى «يېڭى دېموكراتىيە پارتىيەسى» نىڭ پايتەخت ئافىنادىكى ئىككى ئايرىم ئىشخانىسىغا ھۇجۇم قىلىنغانلىقى بىلدۈرۈلدى.
گىرېتسىيە مەتبۇئاتلىرىدىكى خەۋەرلەردە، 27-سېنتەبىر ئافىنانىڭ كىپسېلى مەھەللىسىدىكى يېڭى دېموكراتىيە پارتىيەسى تەشكىلاتى ئىشخانىسىنىڭ كىملىكى ئېنىقلانمىغان كىشىلەر تەرىپىدىن نىشانغا ئېلىنغانلىقى قەيت قىلىندى.
ھۇجۇمچىلارنىڭ ئىشخانىنىڭ دېرىزىلىرىنى چاققانلىقى ۋە كىرىش ئېغىزىغا سىر چاچقانلىقى مەلۇم قىلىندى.
خەۋەرلەردە، شۇ كۈنى كەچ سائەتلەردە بولسا يېڭى دېموكراتىيە پارتىيەسىنىڭ ئەزاسى ۋە سابىق مىنىستىرلاردىن ئاندرېئاس لوۋېردوسنىڭ ئافىنانىڭ دافنى مەھەللىسىدىكى ئىشخانىسىغا سىر چېچىلغانلىقى بىلدۈرۈلدى.
لوۋېردوس ئىجتىمائىي ئالاقە ھېسابىدىن ھۇجۇمغا ئالاقىدار سۈرەتلەرنى ھەمبەھىرلەپ: «ئۇلاردىن قورقمايمەن، قورقۇتۇشلىرىغا بويسۇنمايمەن» دېگەن ئىبارىنى ئىشلەتتى.
يېڭى دېموكراتىيە پارتىيەسى تەرىپىدىن ئېلان قىلىنغان باياناتتا بولسا، سىياسىي زوراۋانلىق ۋە قورقۇتۇش ئۇرۇنۇشلىرىنىڭ قوبۇل قىلىنمايدىغانلىقى تەكىتلىنىپ، باشقا سىياسىي پارتىيەلەرنىمۇ مۇشۇنىڭغا ئوخشاش ھۇجۇملارنى ئەيىبلەشكە چاقىردى.
پارتىيەنىڭ باياناتىدا: «دېموكراتىيەمىزنى تېررورنىڭ تەھدىتىگە ئۇچراتقىلى بولمايدۇ» دېگەن ئىبارىلەرگە ئورۇن بېرىلدى.
