ئامېرىكا گېئولوگىيەلىك تەكشۈرۈش ئىدارىسىنىڭ بىلدۈرۈشىچە، جۈمە كۈنى GMT ۋاقتى 06:20 دە، ساگايىڭنىڭ 16 كىلومېتىر غەربىي شىمالىدا، يەرنىڭ 10 كىلومېتىر چوڭقۇرلۇقىدا يەر تەۋرەش يۈز بەرگەن بولۇپ، تەۋرەش تايلاندنىڭ شىمالىدا، باڭكوكتا ۋە خىتاينىڭ يۈننەن ئۆلكىسىدىمۇ ھېس قىلىنغان.

ئامېرىكا گېئولوگىيەلىك تەكشۈرۈش ئىدارىسىنىڭ بىلدۈرۈشىچە، يەر تەۋرەش ساگايىڭ شەھىرىنىڭ 16 كىلومېتىر (10 مىل) غەربى شىمالىدا ۋە يەرنىڭ 10 كىلومېتىر چوڭقۇرلۇقىدا يۈز بەرگەن.

باڭكوكتا بەزى مېترو ۋە يېنىك رېلىس لىنىيەلىرىدە قاتناش توختىتىلدى.

بىرمادىكى مۇخبىرلارنىڭ خەۋەر قىلىشىچە، يەر تەۋرەشنىڭ تەسىرىدىن يوللار يېرىلىپ كەتكەن ۋە بەزى بىنالار تالاپەتكە ئۇچرىغان.

تەۋرەش تايلاندنىڭ شىمالىدىن تارتىپ پايتەخت باڭكوكقىچە بولغان جايلاردا سېزىلگەن. باڭكوكلۇقلار يەر تەۋرەۋاتقان چاغدا كوچىلارغا يۈگۈرۈپ چىققان.

مەشھۇر ساياھەت شەھىرى چىياڭ مايدا ياشايدىغان دۇئانگجاي ئىسىملىك بىر پۇقرا مۇخبىرلارغا: «ئۆيدە ئۇخلاۋاتقان چېغىمدا تەۋرەشنى سەزدىم. ئۇخلاش كىيىمىم بىلەن دەرھال قېچىپ چىقتىم» دېدى.

تەۋرەش خىتاينىڭ غەربىي جەنۇبىدىكى يۈننەن ئۆلكىسىدىمۇ سېزىلگەن. بېيجىڭ يەر تەۋرەش ئىدارىسى تايلاندتىكى يەر تەۋرەشنى 7.9 بال دەپ ئېلان قىلغان.