جۇمھۇر رەئىس ئەردوغان مىنىستىرلار كابىنېتى يىغىنىدىن كېيىن بايانات ئېلان قىلدى.
ئەردوغان باياناتىدا، 8-دېكابىر كۈنى سۈرىيەدە بەئىس ھاكىمىيىتىنىڭ يىمىرىلىشىدىن كېيىن «ئىنقىلاب نەتىجىسىدە ئوتتۇرىغا چىققان يېڭى ۋەزىيەتنىڭ پۈتكۈل دۇنيانىڭ دىققىتىنى بۇ يەرگە مەركەزلەشتۈرگەنلىكى» نى تەكىتلەپ مۇنداق دېدى:
«سۈرىيەگە قېرىنداش دۆلەت بولۇش سۈپىتىمىز بىلەن يېڭى باسقۇچنى ئەڭ ياخشى چۈشىنىۋاتىمىز.
زالىم ھاكىمىيەتكە قارشى ئۇرۇشتا غەلىبە قىلغان سۈرىيە خەلقىنىڭ زەپەر قۇچۇشى ۋە ئۇتۇقلىرىنى داۋاملاشتۇرۇشى ئۈچۈن ئىمكانىيەتنىڭ بارىچە ياردەملەرنى قىلىمىز.
سۈرىيەنىڭ زېمىن پۈتۈنلۈكى ۋە بىرلىكىنىڭ ھەرقانداق شارائىتتا قوغدىلىشى تۈركىيەنىڭ ئۆزگەرمەس مەيدانى بولۇپ، قەتئىي ئۆزگەرمەيدۇ.
بۆلگۈنچى تېررورلۇق تەشكىلاتى پ ك ك/ي پ گ دىن ئىبارەت ھېچكىمگە ياشاش ۋە سۆز ھوقۇقى بەرمەيدىغان بۇ قاتىللار توپىنى رايونىمىز ئۈچۈن تەھدىت مەنبەسى بولۇشتىن چوقۇم چىقىرىۋېتىمىز.
سۈرىيەدىكى بۆلگۈنچى تېررورلۇق تەشكىلاتى ئۇنسۇرلىرىغا ئەجەللىك زەربە بېرىش نىشان قىلىنىۋاتقان ھەربىي ھەرىكەتلىرىمىزنى خۇددى ئوپېراتسىيە دوختۇرىغا ئوخشاش سەزگۈرلۈك ئېڭى ئاساسىدا پۇقرالارنىڭ قىلىغىمۇ زىيان يەتكۈزمەي داۋاملاشتۇرۇش ئىرادىمىز قەتئىيدۇر.
سۈرىيەنىڭ ۋە رايونىمىزنىڭ كېلەچىكىدە دائېش، پ ك ك قاتارلىق ھېچقانداق تېررورلۇق تەشكىلاتىغا قىلچە ئورۇن يوقتۇر، بۆلگۈنچى تېررورلۇق تەشكىلاتى پ ك ك ۋە گۇماشتىلىرى يا ئۆزىنى تازىلايدۇ، يا تازىلىنىدۇ.»
