ئۇكرائىنا مەسئۇللىرىنىڭ چارشەنبە (17-سېنتەبىر) كۈنى بىلدۈرۈشىچە، رۇسىيە ئۇچقۇلىرى ئۇكرائىنانىڭ مەركىزىگە جايلاشقان كىروۋوخراد ئوبلاستىغا ھۇجۇم قىلىپ، توك تەمىنلىشىنى قىسمەن ئۈزۈپ تاشلىغان ۋە تۆمۈر يول قاتنىشىنى قالايمىقانلاشتۇرۇۋەتكەن.

كىروۋوخراد ئوبلاستىنىڭ باشلىقى ئاندرېي رايكوۋىچ تېلېگرامما ئەپ دېتالىدا: «ھازىر رايون مەركىزىي ۋە ئولېكساندىرىۋكادىكى 44 ئاھالىلەر رايونىدا توك تەمىنلىشى قىسمەن توختىدى. بەزى ئاھالىلەر زىيانغا ئۇچرىدى، تۆمۈر يول قاتنىشىدا قالايمىقانچىلىقلار مەيدانغا كەلدى» دېدى.

ئۇنىڭ قەيت قىلىشىچە، جىددىي ئەھۋاللارغا تاقابىل تۇرۇش خادىملىرى ئۈچ ئورۇندا ئوت ئۆچۈرگەن بولۇپ، ئۆلۈم-يېتىم ھادىسىلىرى يۈز بەرمىگەن.

تۆمۈر يول تورى ھۇجۇمغا ئۇچرىدى

ئۇكرائىنا مۇئاۋىن باش مىنىستىرى ئولېكسېي كۇلېبا رۇسىيە قىسىملىرىنىڭ ئۇچقۇ ھۇجۇمىد،ا تۆمۈر يول ئۇل- ئەسلىھەلىرىنى نىشانغا ئېلىنغانلىقىنى بىلدۈردى ئەمما ئورنى توغرىسىدا ئېنىق مەلۇمات بەرمىدى.

كۇلېبا: »بۇ خىلدىكى ھۇجۇملارنىڭ ئېنىق بىر نىشانى بار: يولۇچى ۋە يۈك توشۇش تىرانسىپورتىنى قالايمىقانلاشتۇرۇش، قاتناشنىڭ مۇقىم راۋانلىقىغا زىيان سېلىش ۋە ئىقتىسادقا قوشۇمچە بېسىم پەيدا قىلىش» دېدى.

رۇسىيە رىيا نوۋوستى ئاگېنتلىقىنىڭ ئېلېكتىر ئىستانسىسىنىڭ بىر ۋەكىلىدىن نەقىل كەلتۈرۈپ بىلدۈرۈشىچە، ئۇكرائىنانىڭ ھۇجۇمىدىن كېيىن زاپورىژيا يادرو ئېلېكتىر ئىستانسىسىنىڭ يېقىلغۇ ساقلاش ئەسلىھەسىدە چىققان ئوت ئۆچۈرۈلگەن.

خەلقئارا ئاتوم ئېنېرگىيەسى ئورگىنى سەيشەنبە كۈنى (16-سېنتەبىر) ئېلېكتىر ئىستانسىسى خادىملىرىنىڭ ئەتراپتا بومباردىمان ئاۋازىنى ئاڭلىغانلىقىنى ۋە ئۈچ جايدىن قارا ئىس چىققانلىقىنى كۆرگەنلىكلىرىنى ئېيتقانلىقىنى بىلدۈردى.

مۇناسىۋەتلىك ئۇچۇرلارTRT World - Ukraine, Russia claim shooting down each other's drones in overnight attacks