كىشىلەر بۇ ئشقا «ئىلاھىي ئارىلىشىش» دەپ باھا بەردى.
لىۋىيەلىك ئامەر ئەل مەنسۇر كاززافى، سەئۇدى ئەرەبىستانغا ھەج قىلىش ئۈچۈن كېتىۋاتقان نەچچە ئون ھاجى بىلەن بىللە ئايروپىلانغا چىقماقچى بولدى.
ئەمما لىۋىيەنىڭ مەركىزىگە جايلاشقان سەبا خەلقئارا ئايرودۇرۇمىدىكى كۆچمەنلەر ئىدارىسى خادىملىرى تەرىپىدىن ئەڭ ئاخىرقى پەيتتە توسۇپ قىلىندى. فامىلىسى كاززافى بولۇپ، لىۋىيەنىڭ ئاغدۇرۇلغان رەھبىرى مۇئەممەر كاززافىنىڭ فامىلىسىغا ئوخشىغانلىقى ئۈچۈن سىستېمىدا بەلگە قويۇلغان ھالەتتە كۆرۈنەتتى.
ئۇنىڭ قايتا-قايتا تەلەپ قىلىشىغا قارىماي، ئايروپىلان ئۇنى تاشلاپ ئۇچۇپ كەتتى.
ئائىلىسىدىكىلەر ۋە ئايرودۇرۇم خادىملىرى ئۇنىڭغا ۋەزىيەتكە تەن بېرىپ بۇ يەردىن ئايرىلىشىنى ئېيتقان بولسىمۇ، ئۇ كەينىگە يانمىدى.
گۇلف نيۇس» نىڭ خەۋىرىگە ئاساسلانغاندا، كاززافى: «ھەجگە ماڭمىغۇچە بۇ يەردىن ئايرىلمايمەن» دېگەندە چىڭ تۇردى.
تەقدىر ئارىلاشتى
ئايروپىلان ئۇچۇپ ئۇزۇن ئۆتمەي تەقدىر ئارىلىشىشقا باشلىدى.
يەرلىك تاراتقۇلارنىڭ خەۋىرىگە قارىغاندا، ئايروپىلان ھاۋا تەڭشىگۈچ سىستېمىسىدىكى تېخنىكىلىق كاشىلا سەۋەبىدىن ئايرودۇرۇمغا قايتىپ كېلىشكە مەجبۇر بولدى.
ئايروپىلان قونغاندا، ئاۋىئاتسىيە شىركىتىنىڭ خادىملىرى كاززافىنىڭ ئايروپىلانغا چىقىشىنى ئىشقا ئاشۇرۇش ئۇچقۇچى بىلەن ئىشىكنى ئېچىش توغرىسىدا سۆزلەشتى.
ئەمما ئۇچقۇچى ماتورلارنىڭ ھەرىكەت قىلىۋاتقانلىقىنى سەۋەب كۆرسىتىپ، بۇنىڭ تەشكىلىي جەھەتتە قىيىنچىلىق تۇغدۇرىدىغانلىقىنى ئېيتتى،ۋە ئايروپىلانغا چىقىشىنى رەت قىلدى.
«ئۇ ئالماي تۇرۇپ ئۇچمايمەن»
كۈتۈلمىگەن يەردىن، ئايروپىلان ئىككىنچى قېتىملىق كاشىلا سەۋەبىدىن يەنە ئارقىغا يېنىپ جىددىي قونۇشقا مەجبۇر بولدى.
«ئارىنېۋس» نىڭ خەۋىرىگە قارىغاندا، شنىڭدىن كېيىن ئايروپىلان كاپىتانى مۇنداق ئۇقتۇرۇش قىلغان:
«قەسەم قىلىمەنكى، ئامەر بىز بىلەن بۇ ئايروپىلانغا چىقمۇغۇچى قايتا ئۇچمايمەن»
يولۇچىلارنىڭ ئالقىش سادالىرى ۋە تەنتەنىلىرى ئىچىدە، كاززافىنىڭ ئاخىرى ئايروپىلانغا چىقىشىغا رۇخسەت قىلىندى. بۇ دەقىقە سىنغا ئېلىنىپ، ئىجتىمائىي تاراتقۇ سۇپىلىرىدا كەڭ تارقىتىلدى.
كاززافى كېيىن يەرلىك تاراتقۇلارغا: «مەن پەقەت ھەجگە بارماقچى ئىدىم» دېدى.
ۋە ئەگەر بۇ مېنىڭ پېشانەمگە پۈتۈلگەن بولسا، ھېچقانداق كۈچ بۇنى توسۇپ قالالمايتتى» دەپ ئەسكەرتتى.
ھەر يىلى مىڭلىغان مۇسۇلمان ھەج سەپىرىگە چىقىدۇ.
ھەج – مۇسۇلمانلار ئۈچۈن جىسمانىي ۋە ئىقتىسادىي جەھەتتە بۇ سەپەرنى قىلالايدىغان ئەھۋالدا بولغانلارنىڭ ھاياتىدا كەم دېگەندە بىر قېتىم ئادا قىلىشى كېرەك بولغان مەجبۇرىي ئىبادەتتۇر.
مۇسۇلمانلار بۇ مۇقەددەس سەپەرنىڭ ئاللاھنىڭ تاللانغان بەندىلىرىگە قىلغان چاقىرىقى ئىكەنلىكىگە ئىشىنىدۇ.
