ئامېرىكا مەركىزىي قوماندانلىق ئىشتابىنىڭ ئىجتىمائىي تاراتقۇ سۇپىسى «X» تىكى ھېساباتىدا ئېلان قىلىنغان باياناتتا، «ھورمۇز بوغۇزىدىكى دېڭىز قاتنىشىغا قارىتىلغان تەھدىتلەرنى ئەڭ تۆۋەن چەككە چۈشۈرۈش مەقسىتىدە ئىراننىڭ ھەربىي ئورۇنلىرىغا قارىتىلغان ھۇجۇم دولقۇنىنىڭ تاماملانغانلىقى» بىلدۈرۈلدى.

مەزكۇر باياناتتا، ھۇجۇملار جەريانىدا ئىراننىڭ ھاۋا مۇداپىئە سىستېمىلىرى، دېڭىز قىرغىقى رادار مۇداپىئە لىنىيەلىرى، باشقۇرۇلىدىغان بومبا ۋە ئۇچقۇچىسىز ھاۋا ئاپپاراتى ئەسلىھەلىرى شۇنداقلا كىچىك تىپتىكى كېمىلەرگە زەربە بېرىلگەنلىكى قەيت قىلىندى.

مەزكۇر ھۇجۇملاردا ئۇرۇش ئايروپىلانلىرى، ئۇرۇش پاراخوتلىرى ۋە ئۆزىنى قوشۇپ پارتلىتىدىغان (كامىكادزې) ئۇچقۇچىسىز ھاۋا ئاپپاراتلىرىدىن باشقا تۇنجى قېتىم ئۆزىنى قوشۇپ پارتلىتىدىغان كاپىتانسىز دېڭىز ئاپپاراتلىرىنىڭمۇ ئىشلىتىلگەنلىكى قەيت قىلىنىپ، «ھورمۇز بوغۇزى يەر شارى سودىسى ئۈچۈن ھاياتىي ئەھمىيەتكە ئىگە دېڭىز كارىدورىدۇر. ئىران بۇ يەرنى كونترول قىلالمايدۇ» دېيىلدى.

شۇنىڭ بىلەن بىرگە، ئىراننىڭ «ناھەق تەجاۋۇزچىلىقى، پاراكەندىچىلىك سېلىشى، تەھدىتلىرى ۋە خالىغانچە ئېلان قىلغان باياناتلىرى»غا قارىماي ئامېرىكا قىسىملىرىنىڭ دېڭىزدا ئەركىن قاتناشنى كاپالەتلەندۈرۈش ئۈچۈن تەييار ھالەتتە تۇرۇۋاتقانلىقى ھەمدە ئورۇنلاشتۇرۇلغانلىقى ئىلگىرى سۈرۈلدى.

ئامېرىكا ئارمىيەسى 7- ۋە 8-ئىيۇل كۈنلىرىمۇ «سودا پاراخوتلىرىغا ھۇجۇم قىلغانلىقى» ئۈچۈن ئىرانغا قارشى ھۇجۇم باشلىغانلىقىنى ئېلان قىلغانىدى.