سۈرىيە رەسمىي خەۋەر ئاگېنتلىقى SANA نىڭ بىلدۈرۈشىچە، ئارىدىن تەخمىنەن 14 يىل ئۆتكەندىن كېيىن بېرلىندىن دەمەشقكە تۇنجى بىۋاسىتە نۆۋەتچى ئايروپىلان قاتنىشى شەنبە كۈنى باشلىنىدۇ. گېرمانىيە بىلەن سۈرىيە ئوتتۇرىسىدىكى ھاۋا قاتنىشىغا يېڭى بىرى لىنىيە قوشۇلدى.
گېرمانىيە ئاۋىياتسىيە شىركىتى Sundair تەرىپىدىن ئورۇنلاشتۇرۇلغان نۆۋەتچى ئايروپىلان قاتنىشى، سۈرىيەنىڭ بېرلىندىكى ۋاقىتلىق ئىش بېجىرگۈچىسى مۇھەممەد بارائى شۇكرىنىڭ ئىشتىراك قىلىشى بىلەن بېرلىن ئايرودۇرۇمىدىن دەمەشق خەلقئارا ئايرودۇرۇمىغا قاراپ ئۇچتى.
بۇ ئىلگىرىلەش سۈرىيەنىڭ خەلقئارالىق نۆۋەتچى ئايروپىلان قاتناش تورىنى كەڭەيتىش قەدەملىرىنى تاشلاۋاتقان بىر مەزگىلگە توغرا كەلدى.
سۈرىيە خەلق ئاۋىياتسىيە ۋە ھاۋا قاتنىشى ئاممىۋى ئورگىنى باشلىقى ئۆمەر ئېلھۇسارى جۈمە كۈنى ئېلان قىلغان باياناتىدا، گېرمانىيە ئاۋىياتسىيە شىركىتى LEAV Aviation نىڭ 1-سېنتەبىردىن باشلاپ كۆلن بىلەن دەيرىزور ئوتتۇرىسىدا ھەپتىدە بىر قېتىم بىۋاسىتە پىلانلىق ئايروپىلان قاتنىشىنى باشلايدىغانلىقىنى ئېلان قىلدى.
يېڭى لىنىيە بېرلىن بىلەن دەمەشق ئوتتۇرىسىدا باشلانغان بىۋاسىتە نۆۋەتچى ئايروپىلان قاتنىشىدىن كېيىن ئىشقا ئاشۇرۇلماقتا.
سۈرىيە ۋە گېرمانىيە 16-ئىيۇلدا دەمەشتە ھاۋا قاتنىشى كېلىشىمى ئىمزالاپ، ئىككى دۆلەت ئوتتۇرىسىدا بىۋاسىتە ئايروپىلان قاتنىشىنىڭ قايتىدىن باشلىنىشىنىڭ يولىنى ئاچقان ئىدى.
