بېيجىڭ ئامېرىكانىڭ ئۆز ئارمىيەسىنى نىشان قىلغان خادىم قوبۇل قىلىش فىلىمىدىن كېيىن، ۋاشىنگتوننى ئىغۋاگەرچىلىك بىلەن ئەيىبلىدى.
خىتاي تاشقى ئىشلار مىنىستىرلىقى جۈمە (2026-يىلى 13-فېۋرال) كۈنى، (CIA) نىڭ خىتاي ھەربىي خادىملىرىنى نىشانلىغان خادىم قوبۇل قىلىش فىلىمىنى ئېلان قىلغانلىقىغا قارىتا، چەت ئەلنىڭ جاسۇسلۇق پائالىيەتلىرىگە قارشى «بارلىق زۆرۈر تەدبىرلەر» نى قوللىنىدىغانلىقىنى بىلدۈردى.
ئامېرىكا مەركىزىي ئاخبارات ئىدارىسى پەيشەنبە (12-فېۋرال) كۈنى ئۆزىنىڭ يۇتۇب (YouTube) قانىلىدا ئېلان قىلغان خىتايچە فىلىمدە، نارازى بولغان ئوفىتسېرلارنى نىشان قىلغان بولۇپ، فىلىمدە ئوفىتسېرلار خىتاي رەھبەرلىرى ۋە قوراللىق كۈچلىرىگە ئائىت ئۇچۇرلار بىلەن تەمىنلەشكە چاقىرىق قىلىنغان.
خىتاي تاشقى ئىشلار مىنىستىرلىقى «خىتايغا قارشى كۈچلەر» نى ئەيىبلىدى ۋە دۆلەت بىخەتەرلىكىنى قوغداش ئۈچۈن ھەرىكەت قوللىنىدىغانلىقىنى تەكىتلىدى.
تاشقى ئىشلار مىنىستىرلىقىنىڭ باياناتچىسى لىن جيەن مۇخبىرلارنى كۈتۈۋېلىش يىغىنىدا ئامېرىكا مەركىزىي ئاخبارات ئىدارىسىنىڭ فىلىمى ھەققىدىكى سوئالغا جاۋاب بەرگەندە: «خىتاي چەت ئەلدىكى خىتايغا قارشى كۈچلەرنىڭ سىڭىپ كىرىش ۋە بۇزغۇنچىلىق پائالىيەتلىرىگە قەتئىي زەربە بېرىش، دۆلەتنىڭ زېمىن پۈتۈنلۈكى، بىخەتەرلىكى ۋە تەرەققىيات مەنپەئەتىنى قەتئىي قوغداش ئۈچۈن بارلىق زۆرۈر تەدبىرلەرنى قوللىنىدۇ» دېدى.
بىراق، ئۇ بېيجىڭنىڭ قانداق تەدبىرلەرنى قوللىنىدىغانلىقى ھەققىدە تەپسىلىي توختالمىدى.
توقۇلما يۇتۇب فىلىمدە، خىتايلۇق ئوفىتسېرنىڭ «رەھبەرلەر قوغداۋاتقان بىردىنبىر نەرسە ئۆزلىرىنىڭ مەنپەئەتى، ئۇلارنىڭ ھوقۇقى سانسىزلىغان يالغانچىلىقلارغا تايىنىدىكەن» دېگەن خۇلاسىگە كەلگەندىن كېيىن، ئامېرىكا مەركىزىي ئاخبارات ئىدارىسى بىلەن ئالاقىلىشىشنى قارار قىلغانلىقى تەسۋىرلىنىدۇ.
فىلىمدە يەنە، مەزكۇر ئوفىتسېرنىڭ ئۆيىدە ئائىلىسى بىلەن بىللە ئولتۇرغانلىقى، ئاندىن شىددەتلىك يامغۇردا بىر تەكشۈرۈش پونكىتىدىن ئۆتۈپ، ماشىنىسىدا خاتىرە كومپيۇتېرىنى چىقىرىپ خەت يېزىۋاتقانلىقى كۆرسىتىلىدۇ. ئۇ بۇ جەرياندا: «بۇ يولنى تاللىشىم — ئائىلەم ۋە ۋەتىنىم ئۈچۈن كۈرەش قىلىش ئۇسۇلۇمدۇر» دەيدۇ.
مۇناسىۋەتلىك ئۇچۇرلارTRT World - CIA launches drive to recruit informants in China, Iran, North Korea
«بىز بىلەن ئالاقىلىشىڭ»
تەۋسىيە
