مېكسىكا ھۆكۈمىتى سەيشەنبە كۈنى كۇباغا مىڭ توننىدىن ئارتۇق ماددىي ئەشيا توشۇيدىغان قوشۇمچە ئىككى ئىنسانپەرۋەرلىك ياردەم پاراخوتى ئەۋەتتى.
«El Universal» گېزىتىنىڭ خەۋىرىگە قارىغاندا، «Papaloapan» ۋە «Huasteco» ناملىق ئەشيا ئوبوروتى ياردەم پاراخوتلىرى (پۇرچاق ۋە سۈت پاراشوكىنىمۇ ئۆز ئىچىگە ئالغان) جەمئىي مىڭ 193 توننا ئوزۇقلۇق بىلەن ۋېراكرۇز پورتىدىن يولغا چىققان.
خەۋەردە ئەسكەرتىلىشىچە، بۇ ئىنسانپەرۋەرلىك ياردەم بويۇملىرى ئارىسىدا مېكسىكا شەھىرى ھۆكۈمىتىنىڭ قوللىشى بىلەن ئاممىۋى تەشكىلاتلار تەرىپىدىن تارىخىي مەركەزدە قۇرۇلغان ياردەم توپلاش ئورنىدا جەم قىلىنغان 23 توننا ئىنسانپەرۋەرلىك ياردەم بويۇملىرىمۇ بار ئىكەن.
دېڭىز سەپىرىنىڭ تەخمىنەن تۆت كۈن داۋاملىشىشى كۈتۈلۈۋاتقان بولۇپ، مەزكۇر پاراخوتلاردا 350 تىن ئارتۇق دېڭىز ئارمىيە خادىمى، بىر كىران ۋە بەش يۈك كۆتۈرۈش ماشىنىسى بار ئىكەن.
كلاۋدىيە شېينبائۇم ھۆكۈمىتى ئىلگىرى كۇباغا 814 توننا ئىنسانپەرۋەرلىك ئىنسانپەرۋەرلىك ياردەم بۇيۇملىرىنى ئەۋەتكەن ئىدى.
ئامېرىكا قوشما ئىشتاتلىرىنىڭ كۇبانىڭ ئىتتىپاقدىشى ۋېنېزۇئېلادىن كېلىدىغان نېفىت توشۇش ئىشلىرىنى توسۇش ھەرىكىتى ۋە دۆلەت ئۈستىدىكى بېسىمىنى كۈچەيتىشى سەۋەبىدىن، كۇبا يېقىنقى ئون يىللاردىن بۇيانقى ئەڭ ئېغىر ئىقتىسادىي كىرىزىسقا دۇچ كەلمەكتە.
ئامېرىكا قوشما ئىشتاتلىرىنىڭ بېسىمى بۇ دۆلەتتە يېمەكلىك ۋە قاتناش تەننەرخىنى ئاشۇرۇۋەتتى، ئېغىر يېقىلغۇ قىسلىقىنى كەلتۈرۈپ چىقاردى ۋە پۈتۈن دۆلەت مىقياسىدا ئۇزۇن مۇددەتلىك توك توختاپ قېلىش ۋەقەلىرىگە سەۋەب بولدى.
