ئامېرىكا ھاۋا ئارمىيەسى قوماندانى تروي مېينك ئوربىتىدىكى بۇ قورالنىڭ ئامېرىكا قىسىملىرىنى دۈشمەن ھەرىكەتلىرىگە قارشى قوغداش ئۈچۈن زۆرۈر ئىكەنلىكىنى ئېيتتى.
دۈشەنبە كۈنى ھاۋا، ئالەم ۋە سىبېر (تور) يىغىنىدا سۆز قىلغان مېينك، ئامېرىكانىڭ كۈچىيىۋاتقان تەھدىتلەرگە تاقابىل تۇرۇشقا تەييار ئىكەنلىكىنى بىلدۈردى، ئەمما قورالنىڭ ئىقتىدارى ياكى ئوربىتىغا قاچان ئورۇنلاشتۇرۇلغانلىقى توغرىسىدا تەپسىلىي مەلۇمات بەرمىدى.
يۇقىرى دەرىجىلىك ھەربىي رەھبەرلەر ئىلگىرى، كەلگۈسىدىكى بىر توقۇنۇشتا ئامېرىكا سۈنئىي ھەمراھلىرىغا ھۇجۇم قىلىپ، ئۇلارنى كاردىن چىقىرىش يوللىرىنى تەرەققىي قىلدۇرۇۋاتقان رۇسىيە ۋە خىتاي پىروگراممىلىرىنى كۆرسىتىپ ئۆتۈپ، ئالەم بوشلۇقىدىكى ھەربىي ئىقتىدارلارنى ئاشۇرۇشنى پىلانلاۋاتقانلىقىنى ئېلان قىلغان ئىدى.
پىرېزىدېنت دونالد ترامپ ھۆكۈمىتى ئالەم بوشلۇقىنى ئاساس قىلغان ئىقتىدارلار ۋە توسۇپ زەربە بېرىدىغان باشقۇرۇلىدىغان بومبىلارنىڭ، ئامېرىكانى باشقۇرۇلىدىغان بومبىلار ۋە ھاۋادىن كېلىشى مۇمكىن بولغان باشقا تەھدىتلەرگە قارشى قوغداش ئۈچۈن پىلانلانغان «ئالتۇن گۈمبەز» مۇداپىئە سىستېمىسىنىڭ ئىنتايىن مۇھىم بىر قىسمى ئىكەنلىكىنى بىلدۈردى.
