ئىسرائىلىيە ئارمىيەسىنىڭ غەززە رايونىدا بىر ئۆيگە قىلغان ھۇجۇمىدا 4 پەلەستىنلىك ھاياتىدىن ئايرىلدى.
ئىسرائىلىيە ئارمىيەسى غەززە رايونىنىڭ شىمالىدىكى بەيت لاھىيە يېزىسىغا جايلاشقان كەمال ئەدۋان دوختۇرخانىسىنىڭ يېقىن ئەتراپىدىكى بىر ئۆينى بومباردىمان قىلدى.
ھۇجۇمدا ھاياتىدىن ئايرىلغان 4 كىشنىڭ جەسىتى بىلەن بەزى يارىلانغانلار كەمال ئەدۋان دوختۇرخانىسىغا ئېلىپ بېرىلدى.
غەززە رايونىنىڭ جەنۇبىدىكى خان يۇنۇس شەھىرىدىمۇ ئىسرائىلىيە ئارمىيەسىنىڭ تۈنۈگۈن ئەتىگەندە قىلغان ھۇجۇمىدا بىر پەلەستىنلىك ھاياتىدىن ئايرىلغان ئىدى.
خان يۇنۇستىكى ناسىر دوختۇرخانىسى ئىسرائىلىيە ئارمىيەسىنىڭ تۈنۈگۈنكى ھۇجۇملىرىدا يارىلانغان 2 كىشىنىڭ دوختۇرخانىدا ھاياتىدىن ئايرىلغانلىقىنى ئۇقتۇرغان ئىدى.
ئىسرائىلىيەنىڭ غەززەدە ئۇرۇش توختىتش كۈچكە ئىگە بولغان 10-ئۆكتەبىردىن بۇيان قىلغان ھۇجۇملىرىدا 1296 كىشى ھاياتىدىن ئايرىلىپ، 4296 كىشى يارىلاندى، بىنا خارابىلىكلىرى ئاستىدىن بولسا 814 كىشىنىڭ جەسىتى چىقىرىلدى.
ئىسرائىلىيەنىڭ 2023-يىلى ئۆكتەبىردىن بۇيان غەززە رايونىغا قىلغان ھۇجۇملىرىدا ئۆلتۈرۈلگەنلەرنىڭ ئومۇمىي سانى 73 مىڭ 431 گە، يارىلانغانلارنىڭ سانى 174 مىڭ 437 گە ئۆرلىدى.
