ئامېرىكىلىق ئوبزورچى تاكېر كارلسون (Tucker Carlson)، ئامېرىكا ۋە ئىسرائىلىيەنىڭ ئىرانغا قارىتىلغان قىلغان ھۇجۇملىرىدىن كېيىن رايون خاراكتېرلىك كەسكىنلىك كۈچەيگەن بىر مەزگىلدە، سەئۇدى ئەرەبىستان ۋە قاتارنىڭ پارتلىتىش ھەرىكىتى پىلانلىغان ئىسرائىلىيە جاسۇسلىرىنى قولغا ئالغانلىقىنى ئىلگىرى سۈردى.
Middle East Eye نىڭ خەۋىرىگە قارىغاندا، ئامېرىكىلىق كونسېرۋاتىپ پودكاست تارقاتقۇچىسى تاكېر كارلسون دۈشەنبە كۈنى ئې؛ان قىلغان باياناتىدا، سەئۇدى ئەرەبىستان ۋە قاتارنىڭ «ئۆز تۇپراقلىرىدا پارتلىتىش ھەرىكىتى پىلانلىغان ئىسرائىلىيەلىك موسساد جاسۇسلىرىنى تۇتقۇن قىلغانلىقىنى» ئېيتتى.
كارلسون پىروگراممىسىدا ئىسرائىلىيەنىڭ مەقسىتىگە سوئال قويۇپ: «ئىسرائىلىيەلىكلەر نېمە ئۈچۈن ئىرانمۇ ھۇجۇم قىلىۋاتقان پارىس قولتۇقى ئەللىرىدە پارتلىتىش ھەرىكەتلىرىنى ئېلىپ بارىدۇ؟ ئۇلار ئوخشاش تەرەپتە ئەمەسمۇ؟» دەپ سورىدى. كارلسون يەنە: «ئىسرائىلىيە ئىرانغا، قاتارغا، ئەرەب بىرلەشمە خەلىپىلىكىگە، سەئۇدى ئەرەبىستانغا، بەھرەيىنگە، ئومانغا ۋە كۇۋەيىتكە زىيان يەتكۈزۈشنى خالايدۇ» دەپ، ۋاشىنگتوننىڭ ئەرەب ئىتتىپاقداشلىرى ئارىسىدا ئىسرائىلىيەنىڭ قەستەن مۇقىمسىزلىق يارىتىۋاتقانلىقىنى ئوتتۇرىغا قويدى.
ئىسرائىلىيە بىخەتەرلىك ئەمەلدارلىرى فېۋرال ئېيىدا كارلسون ۋە ئۇنىڭ خىزمەت گۇرۇپپىسىنى، ۋاشىنگتوننىڭ ئىسرائىلىيە باش ئەلچىسى مايك خاككابى (Mike Huckabee) بىلەن ئۆتكۈزگەن بىر سۆھبەتتىن كېيىن تېل ئاۋىۋدا قىسقا ۋاقىت قولغا ئالغان ئىدى. بۇ سۆھبەتتە خاككابى، يەھۇدىيلارنىڭ پەلەستىن تۇپراقلىرىنى مۇستەملىكە قىلىش مەسىلىسىدە «ئىلاھىي بىر ھوقۇق» قا ئىگە ئىكەنلىكىنى ئېيتقان ۋە ئايرىم بىر پەلەستىن مىللىي كىملىكى قارىشىنى رەت قىلغان ئىدى.
بۇ ۋەقە كارلسون بىلەن خاككابى ئارىسىدا تور دۇنياسىدا يۈز بەرگەن بىر زىددىيەتتىن كېيىن يۈز بەردى. كارلسون ئىسرائىلىيەنىڭ خىرىستىيانلارغا قارىتا «سۆز بىلەن تەسۋىرلىگۈسىز» مۇئامىلىسىنى تەنقىد قىلغان ۋە خاككابىنى ئىشغال ئاستىدىكى غەربىي قىرغاق ۋە قۇدۇستا قانۇنسىز ئىسرائىلىيەلىك كۆچمەنلەرنىڭ ھۇجۇمىغا ئۇچرىغان خىرىستىيانلارنى قوغداش ئۈچۈن يېتەرلىك تىرىشچانلىق كۆرسەتمەسلىك بىلەن ئەيىبلىگەن ئىدى.
2025-يىلى غەززەدىن قاتارغا كەلگەن پەلەستىنلىك مۇساپىرلارنى زىيارەت قىلىپ، ئىسرائىلىيەنىڭ بالىلارنى قىرغىن قىلىشىنى ئالدىنقى پىلانغا چىقارغان كارلسون، ئامېرىكا مەركەزلىك ۋە ئىسرائىلىيە تەرەپدارى بولغان بىر تەشكىلات تەرىپىدىن غەززەدىكى قىرغىنچىلىققا قارشى چىققانلىقى سەۋەبىدىن «يىلنىڭ يەھۇدىي دۈشمىنى» دەپ ئېلان قىلىنغان ئىدى.
كارلسون ئەڭ ئاخىرقى باياناتلىرىنى، ئامېرىكا ۋە ئىسرائىلىيەنىڭ ئىرانغا قارىتىلغان ھەربىي ھۇجۇملىرى داۋاملىشىۋاتقان بىر مەزگىلدە قىلدى. بىرلىكتە قىلىنغان ھۇجۇملاردا ئىران دىنىي رەھبىرى ئەلى ھامانېي، يۇقىرى دەرىجىلىك نۇرغۇن باشقا ئەمەلدارلار ۋە يۈزلىگەن پۇقرا ئۆلتۈرۈلدى. ھازىرغىچە بولغان ئەڭ شىددەتلىك ھۇجۇم شەنبە كۈنى يۈز بەردى. ئىراننىڭ جەنۇبىدىكى بىر مەكتەپكە قىلىنغان ھۇجۇمدا 100 دىن ئارتۇق قىز بالا ئۆلتۈرۈلدى. ئىران بولسا رايوندىكى ئامېرىكا بازىلىرىغا ھۇجۇم قىلىپ ۋە مۇھىم نېفىت سودا يوللىرىدىكى قاتناشنى توسۇپ قويۇش ئارقىلىق ئىنكاس قايتۇردى.
