سەھىيە ئورگانلىرى ۋە ۋەقەنى ئۆز كۆزى بىلەن كۆرگەن شاھىتلارنىڭ بايان قىلىشىچە، ئىسرائىلىيە كۈچلىرى غەززەنىڭ مەركىزىدىكى بىر تارقىتىش مەركىزىنىڭ يېنىدا يېمەكلىك ياردىمى كۈتۈۋاتقان پۇقرالارغا ئوق چىقارغان. ۋەقەدە كەم دېگەندە 15 پەلەستىنلىك ھاياتىدىن ئايرىلغان بولۇپ، ئونلىغان كىشى يارىلانغان.

سەھىيە مەنبەلىرى ئانادولۇ ئاگېنتلىقىغا سۆز بەرگەن باياناتىدا، «نېتزارىم كارىدورى» ئەتراپىغا يىغىلغان ئاممىغا قارىتا ئوق چىقىرىلغانلىقى بىلدۈرۈلدى.

ۋەقەنى ئۆز كۆزى بىلەن كۆرگەن شاھىتلار ئىسرائىلىيەگە تەۋە ھەربىي ئاپتوموبىللار ۋە ئۇچقۇچىسىز ھاۋا ئاپاراتلىرىنىڭ ياردەم كۈتۈۋاتقان ئاممىغا قالايمىقان ئوق چىقارغانلىقىنى بىلدۈردى.

بۇ ۋەقە غەززەدە ئىنسانپەرۋەرلىك ياردىمىگە ئېرىشىشكە تىرىشىۋاتقان پەلەستىنلىكلەرگە قەستەن قىلىنغان ئەجەللىك ھۇجۇملارغا يەنە بىرنى قوشتقان بولدى.

غەززە سەھىيە مىنىستىرلىقى يېقىنقى 48 سائەت ئىچىدە 90 پەلەستىنلىكنىڭ ئۆلگەنلىكىنى ۋە 605 پەلەستىنلىك يارىدارنىڭ غەززەدىكى دوختۇرخانىلارغا ئېلىپ بېرىلغانلىقىنى ئېلان قىلدى.

22023 -يىلى 7-ئۆكتەبىردىن بۇيان داۋاملىشىۋاتقان ئىسرائىلىيەنىڭ ۋەھشىيانە ھۇجۇملىرىدا قازا قىلغان پەلەستىنلىكلەر سانىنىڭ 55 مىڭ 297 گە، يارىلانغانلار سانىنىڭ بولسا 128 مىڭ 426 گە يەتكەنلىكى بىلدۈرۈلدى.

تەرەپلەر ئوتتۇرىسىدا ھاسىل قىلىنغان ئۇرۇش توختىتىشنى كېلىشىمى بۇزۇلغان 2025-يىلى 18-مارتتىن بۇيان بولسا، 5014 كى پەلەستىنلىك ئۆلتۈرۈلۈپ، 16 مىڭ 385 كىشى يارىلاندى.