ئامېرىكا پالاتاسىدىكى ھەر ئىككى پارتىيە ئەزالىرى ئىراننىڭ يادرو ئەسلىھەلىرىگە قىلىنغان ھۇجۇملارغا نارازىلىق بىلدۈردى.
يەكشەنبە كۈنى ئەتىگەندە ئامېرىكا پالاتاسىدىكى جۇمھۇرىيەتچىلەر پارتىيەسى ۋە دېموكراتلار پارتىيەسى ئەزالىرى ئامېرىكانىڭ ئىراننىڭ يادرو ئەسلىھەلىرىنى بومباردىمان قىلىشىغا قارىتا تېزدىن نارازىلىق بىلدۈردى.
كېڭەش پالاتاسى قوراللىق قىسىملار كومىتېتىنىڭ رەئىسى، مىسسىسىپپىلىق جۇمھۇرىيەتچى روگېر ۋىككېر بۇ ھەرىكەتنى قارشى ئالىدىغانلىقىنى بىلدۈرۈش بىلەن بىرگە، ئامېرىكانىڭ ھازىر «ئىنتايىن ئېغىر قارارلارغا دۇچ كېلىۋاتقانلىقىنى» ئېيتتى.
كېڭەش پالاتاسى تاشقى مۇناسىۋەتلەر كومىتېتىنىڭ رەئىسى، ئىداخولۇق جۇمھۇرىيەتچى جىم رىچ: «بۇ ئۇرۇش ئىسرائىلىيەنىڭ ئۇرۇشى، بىزنىڭ ئەمەس. لېكىن ئىسرائىلىيە بىزنىڭ ئەڭ كۈچلۈك ئىتتىپاقداشلىرىمىزنىڭ بىرى ۋە ئۇ دۇنيا ئۈچۈن ئىراننى قورالسىزلاندۇرۇۋاتىدۇ» دېدى.
رىچ يەنە: «بۇ، تۈگىمەس ئۇرۇشنىڭ باشلىنىشى ئەمەس. ئىراندا ئامېرىكا ئەسكەرلىرى بولمايدۇ» دەپ قوشۇمچە قىلدى.
كېنتاككىلىق دىندار جۇمھۇرىيەتچى پالاتا ئەزاسى توماس ماسسى قۇرۇلتاينىڭ چەت ئەل دۆلەتلىرىگە ئۇرۇش ئېلان قىلىش ھوقۇقىنى تىلغا ئېلىپ، ئىجتىمائىي تاراتقۇدا «بۇ ئاساسىي قانۇنغا ئۇيغۇن ئەمەس» دېگەن پىكرىنى بىلدۈردى.
ئامېرىكا ئاۋام پالاتاسىنىڭ باشلىقى، لۇئىزىئانالىق جۇمھۇرىيەتچى مايك جونسون: «پرېزىدېنت ئىران رەھبىرىگە كېلىشىم تۈزۈش ئۈچۈن ھەر تۈرلۈك پۇرسەت بەردى، ئەمما ئىران يادرو قورالسىزلىنىش كېلىشىمىگە ئەمەل قىلىشنى رەت قىلدى» دېدى.
ئۇ يەنە: «پىرېزىدېنتنىڭ قەتئىي ھەرىكىتى ‹ئامېرىكاغا ئۆلۈم› دەپ شوئار توۋلاۋاتقان ۋە دۇنيادىكى ئەڭ ئەجەللىك قورالغا ئېرىشىشكە ئۇرۇنۇۋاتقان تېرورىزىمنىڭ ئەڭ چوڭ دۆلەت قوللىغۇچىسىنى توسۇۋاتىدۇ» دەپ قوشۇمچە قىلدى.
جەنۇبىي داكوتالىق جۇمھۇرىيەتچى كېڭەش پالاتاسى كۆپ سانلىقلار رەھبىرى جون تۇن بولسا: «مەن پىرېزىدېنت ترامپ تەرەپتە» دەپ قوللايدىغانلىقىنى تەكىتلىدى.
پەلەستىنلىك كۆچمەن ئائىلىسىنىڭ قىزى، مىچىگانلىق دېموكرات ۋەكىل راشىدە تلايىب: «پىرېزىدېنت ترامپنىڭ پالاتانىڭ تەستىقى ئالماي تۇرۇپ ئىراننى بومباردىمان قىلىش ئۈچۈن ئامېرىكا ئەسكەرلىرىنى ئەۋەتىشى ئاساسىي قانۇنىمىزغا ئوچۇق-ئاشكارا خىلاپلىق قىلىشتۇر. ئامېرىكا خەلقى يەنە بىر تۈگىمەس ئۇرۇشنى خالىمايدۇ. بىز ئوتتۇرا شەرقتىكى ئون يىللاپ داۋاملاشقان ئۇرۇشلارنىڭ بىزنى نەگە ئاپارغانلىقىنى كۆردۇق... ھەممىسى كەڭ كۆلەملىك قىرغىنچىلىق قوراللىرى دېگەن يالغانچىلىققا تايىناتتى » دېدى.
ۋىرگىنىيەلىك دېموكرات كېڭەش پالاتا ئەزاسى تىم كەين ئامېرىكا خەلقىنىڭ «ئىرانغا ئۇرۇش ئېچىشقا مۇتلەق كۆپ سانلىق بىلەن قارشى ئىكەنلىكىنى» ئىپادىلەپ، ترامپنىڭ «قورقۇنچلۇق بىر ھۆكۈم» چىقارغانلىقىنى بىلدۈردى.
پالاتانىڭ سابىق دېموكرات ئەزالىرىدىن ۋە ھازىر ئىلغار پېشقەدەم ئەسكەرلەر گۇرۇپپىسى «VoteVets» نىڭ ئالىي مەسلىھەتچىسى ماكىس روز: «ترامپنىڭ پالاتانىڭ تەستىقىنى ئالماي تۇرۇپ ئىرانغا بىۋاسىتە ھۇجۇم قىلىش قارارى قانۇنسىزدۇر» دەپ قارشى چىقىش بىلەن بىرگە، «بۇ توقۇنۇش ئۇنىڭ ۋە بارلىق مەسئۇلىيىتىدىن ۋاز كەچكەن جۇمھۇرىيەتچىلەرنىڭ توقۇنۇشىدۇر» دەپ تەكىتلىدى.
