غەربىي جەنۇب ئۆلكىلىك مەمۇرىي مەھكىمىسى يازما بايانات ئېلان قىلىپ، ئەششەبابنىڭ پارتلاتقۇچ قاچىلانغان ئاپتوموبىللار ۋە قوراللىق كىشىلەر بىلەن شەھەرگە ھۇجۇم قىلغانلىقىنى بىلدۈردى.

باياناتتا، توقۇنۇش جەريانىدا پارتلاتقۇچ توشۇيدىغان ئۇچقۇچىسىز ھاۋا ئاپپاراتلىرىنىڭمۇ ئىشلىتىلگەنلىكى ۋە بۇ ئاپپاراتلارنىڭ چەت ئەللىكلەر تەرىپىدىن كونترول قىلىنغانلىقى قەيت قىلىندى.

باياناتتا، ھۇجۇمچىلارنىڭ مېھمانخانا، سودا سارىيى، مائارىپ ۋە سەھىيە ئورگىنى، پۇقرالارنىڭ ئۆيلىرى ۋە مەسچىتلەرنى زەربە ئوبيېكتى قىلغانلىقى، بىخەتەرلىك قىسىملىرىنىڭ ھۇجۇمنى چېكىندۈرگەنلىكى بىلدۈرۈلدى.

باياناتتا يەنە، ئارىسىدا چەت ئەللىكلەرمۇ بار ئەششەبابنىڭ 70 تىن ئارتۇق ئەزاسىنىڭ ئۆلتۈرۈلگەنلىكى، نۇرغۇن تەشكىلات ئەزاسىنىڭ يارىلانغانلىقى، بىر قىسىم ئاپتوموبىل ۋە قوراللارنىڭ قولغا چۈشۈرۈلگەنلىكى قەيت قىلىندى.

بەيدابودا 17-ئاۋغۇست ۋە 3-سېنتەبىردىمۇ فېدېراتسىيە قىسىملىرى بىلەن لەفتاگارېنغا قاراشلىق قوراللىق كۈچلەر ئوتتۇرىسىدا توقۇنۇش يۈز بەرگەنىدى. سومالى دۆلەت مۇداپىئە مىنىستىرلىقى ئەششەباب ئەزالىرىنىڭ 3-سېنتەبىردىكى توقۇنۇشلارغىمۇ قاتناشقانلىقىنى بىلدۈرگەنىدى.