ترامپ ھەربىي ھەرىكەتنى كېڭەيتەلەيدىغانلىقىنى ۋە «ھەممە نەرسىنى ئۆتكۈزىۋالالايدىغانلىقىنى» ياكى بىر قانچە كۈن ئىچىدە ئاخىرلاشتۇرالايدىغانلىقىنى ئېيتتى.
شەنبە كۈنى كېچىدە ئىسرائىلىيەنىڭ N12 قانىلىغا سۆز قىلغان ترامپ، تېھراننىڭ ئەمەلىيەتتە بىر كېلىشىم نىيىتى يوقلۇقىنى بىلدۈردى.
ئامېرىكا پىرېزىدېنتى ئىسرائىلىيە باش مىنىستىرى بېنيامىن نېتانياھۇ بىلەن ئۆتكۈزگەن ئەڭ ئاخىرقى تېلېفون سۆھبىتىنى «ياخشى» دەپ سۈپەتلىدى ۋە ئىككى رەھبەرنىڭ ئوخشاش بىر نىشاندا ئىكەنلىكىنى ئىپادىلىدى.
ئىرانغا قارىتىلغان ئامېرىكا ھەربىي ھەرىكىتىگە مۇناسىۋەتلىك تاللاشلارنى تىزىپ چىققان ترامپ، ھەرىكەتنى كېڭەيتىپ «ھەممە نەرسىنى ئۆتكۈزىۋالالايدىغانلىقىنى» ياكى بىر قانچە كۈن ئىچىدە ئاخىرلاشتۇرالايدىغانلىقىنى ئېيتتى. ئىران ئەمەلدارلىرىنى ئاگاھلاندۇرغان ترامپ، تېھراننىڭ ھەرقانداق بىر يادرو قورالى پروگراممىسىنى قايتىدىن قۇرغان تەقدىردە، ھۇجۇملارنىڭ قايتىدىن باشلىنىدىغانلىقىنى تىلغا ئالدى.
ترامپ يەنە، ئەڭ ئاخىرقى ھۇجۇم دولقۇنىدىن كېيىن ئىراننىڭ ئۆزىنى ئەسلىگە كەلتۈرۈشى ئۈچۈن «بىر قانچە يىل» كېتىدىغانلىقىنى ئىلگىرى سۈردى.
ئىسرائىلىيە بىلەن ئامېرىكا شەنبە كۈنى ئەتىگەن سائەتلەردە ئىرانغا قارىتا بىرلىكتە ھەربىي ھەرىكەت باشلىغان بولۇپ، بۇنى «ئىران رېجىمى» ياراتقان دەپ دەۋا قىلىنغان تەھدىتلەرگە باغلىغان ئىدى.
بۇ ھۇجۇملار ئوماننىڭ ۋاسىتىچىلىكىدە جەنۋەدە ئېلىپ بېرىلغان ئەڭ ئاخىرقى ئامېرىكا-ئىران يادرو سۆھبەتلىرى پەيشەنبە كۈنى تاماملانغاندىن كېيىن يۈز بەردى. تەرەپلەر سۆھبەتنىڭ كەيپىياتىنى جىددىي ۋە ئىجابىي دەپ سۈپەتلىگەن ئىدى.
ئۆتكەن ئىيۇن ئېيىدا بولسا، ئامېرىكا 12 كۈن داۋاملاشقان ئىسرائىلىيە-ئىران توقۇنۇشى جەريانىدا ئىرانىدىكى ئۈچ يادرو ئەسلىھەسىنى بومباردىمان قىلغان ئىدى.
