ب د ت باش كاتىپى گۇتېررېسنىڭ ئىشخانىسى تەرىپىدىن ئېلان قىلىنغان باياناتقا ئاساسلانغاندا، ب د ت باش كاتىپى ئانتونىيو گۇتېررېس بىلەن سۈرىيە پىرېزىدېنتى ئەھمەد شارا (شەرئ) سۈرىيەدىكى سىياسىي ئۆتكۈنچى باسقۇچ توغرىسىدا سۆھبەتلەشكەن.
گۇتېررېس بۇ جەرياننىڭ كەڭ دائىرىلىك دىيالوگ ۋە كەڭ كۆلەملىك ئىشتىراك قىلىش ئارقىلىق ئىلگىرى سۈرۈلۈشى كېرەكلىكىنى تەكىتلىگەن.
چارشەنبە كۈنى ئېلان قىلىنغان باياناتتا: «باش كاتىپنىڭ يەنە سۈرىيەنىڭ ئىگىلىك ھوقۇقى ۋە زېمىن پۈتۈنلۈكىنى رىغبەتلەندۈرۈشنىڭ مۇھىملىقىنى تەكىتلىگەنلىكى» قەيت قىلىنىش بىلەن بىرگە، گۇتېررېسنىڭ 1974-يىلىدىكى «ئارمىيەنى ئايرىش كېلىشىمى» گە خىلاپلىق قىلىش قىلمىشلىرىدىن ئەندىشە قىلىۋاتقانلىقىنى بىلدۈرگەنلىكىمۇ ئىپادىلەندى.
باش كاتىپ ۋە شارا ب د ت بىلەن سۈرىيە ئوتتۇرىسىدىكى ھەمكارلىقنى تەرەققىي قىلدۇرۇش يوللىرىنى مۇزاكىرە قىلىش بىلەن بىرگە، ئوتتۇرا شەرقتىكى ئۆزگىرىشلەر ھەققىدىمۇ پىكىر ئالماشتۇردى.
تەخمىنەن 25 يىل سۈرىيەنىڭ رەھبىرى بولغان بەششار ئەسەد ئۆتكەن يىلى دېكابىردا رۇسىيەگە قېچىپ كەتتى ۋە 1963-يىلىدىن بۇيان ھاكىمىيەت يۈرگۈزۈپ كەلگەن بەئس پارتىيەسى ھاكىمىيىتى ئاخىرلاشتى.
شارانىڭ يېڭى ئۆتكۈنچى ھۆكۈمىتى يانۋاردا قۇرۇلدى. شارا 1967-يىلىدىن بۇيان ب د ت ئومۇمىي كېڭىشىدە نۇتۇق سۆزلىگەن تۇنجى سۈرىيە پىرېزىدېنتى بولدى.
