ئىران پارلامېنتى باشلىقى شۇنداقلا سۆھبەت گۇرۇپپىسىنىڭ باشلىقى مۇھەممەد باقىر كالىباف، ئامېرىكانىڭ رايونغا ئېلىپ كېلىۋاتقان يېڭى ھەربىي يۆتكەشلىرى بىلەن «ئۇرۇشنىڭ ئاخىرلىشىشىنى خالايمىز» دەيدىغان دەۋاسىنىڭ زىت ئىكەنلىكىنى ئېيتتى.
كالىباف X ئىجتىمائىي تاراتقۇ سۇپىسىدىكى ھېسابىدا مەسىلىگە دائىر ئۇچۇر ئېلان قىلدى.
تەۋسىيە
ئامېرىكانىڭ سۆزى بىلەن ھەرىكىتىنىڭ بىر-بىرىگە زىت ئىكەنلىكىنى ئىلگىرى سۈرگەن كالىباف مۇنداق دېدى: «ئامېرىكالىقلار رايونغا يېڭى ھەربىي جابدۇقلارنى ئېلىپ كېلىشنى داۋاملاشتۇرماقتا ۋە ئۇرۇشنىڭ ئاخىرلىشىشىنى خالايدىغانلىقىنى ئىلگىرى سۈرمەكتە. بىز ئامېرىكانىڭ بۇ ئويۇنلىرىنى يېشىشتە ئالاھىدە ئۇستىلىق سەۋىيەسىگە يەتتۇق ۋە بۇنىڭغا قارىتا تەييارلىق كۆردۇق. قىلىنغان ئىشلار ئوتتۇرىغا قويۇلغان دەۋالارنى قوللىشى كېرەك، ئۇنىڭغا زىت كەلمەسلىكى كېرەك».
