مەنىۋى مەسلىھەتچى پاۋلا ۋايت-كېين چارشەنبە كۈنى ئامېرىكا پىرېزىدېنتى دونالد ترامپ بىلەن ئىسا ئەلەيھىسسالام ئوتتۇرىسىدا قۇرغان تالاش-تارتىشلىق باغلىنىش سەۋەبىدىن ئاممىۋى ئورتاقلىشىش تور بېتىدە قاتتىق ئەيىبلەشكە دۇچ كەلدى.
پاۋلا ۋايت-كېين پائالىيەتتە مۇنداق دېدى:
« ئىسا ئەلەيھىسسالامنىڭ ئۆلۈمى، دەپنە قىلىنىشى ۋە قايتا تىرىلىشى بىلەن بىزگە كۆپ تەجرىبە-ساۋاقلارنى يەكۈنلەتكۈزدى. ئۇ بۈيۈك بىر رەھبەرلىك ۋە ئۆزگىرىشنىڭ چوڭ پىداكارلىقلارنى تەلەپ قىلىدىغانلىقىنى كۆرسەتتى. ھۆرمەتلىك پىرېزىدېنت، ھېچكىم سىز تۆلىگەن بەدەلنى تۆلىمىدى. بۇ سىزنىڭ جېنىڭىزغا زامىن بولغىلى تاس قالدى. سىز خىيانەتكە ئۇچرىدىڭىز، تۇتقۇن قىلىندىڭىز ۋە ناھەق ئەيىبلەندىڭىز. بۇ رەببىمىز ۋە قۇتقۇزۇچىمىزنىڭ (ئىسا ئەلەيھىسسالامنىڭ) بىزگە كۆرسەتكەن تونۇشلۇق ئەندىزىسىدۇر. ئەمما بۇ ئۇنىڭ ئۈچۈن ئاخىرقى نۇقتا ئەمەس ئىدى، سىز ئۈچۈنمۇ ئاخىرقى نۇقتا بولمايدۇ. خۇدانىڭ ھەمىشە بىر پىلانى بار ئىدى. ئۈچىنچى كۈنى ئىسا ئەلەيھىسسالام قايتا تىرىلدى؛ رەزىللىكنى، ئۆلۈمنى ۋە دوزاخنى يەڭدى. ئۇ قايتا تىرىلگەنلىكى ئۈچۈن ھەممىمىز بىلىمىزكى، بىز چوقۇم يۈكسىلەلەيمىز. ئەپەندىم، ئۇنىڭ قايتا تىرىلىشى سايىسىدا سىزمۇ ئورنىڭىزدىن تۇردىڭىز. مەن ئىشىنىمەنكى، خۇدا مەندىن سىزگە مۇنۇلارنى ئېيتىشىمنى خالىدى: ئۇنىڭ غەلىبىسى سايىسىدا، سىز قول ئۇزارتقان ھەرقانداق ئىشتا غەلىبە قىلىسىز.»
ئاممىۋى ئورتاقلىشىش تور بېتى ئىشلەتكۈچىلىرى بۇ نۇتۇقنى «دىنغا ھاقارەت» ۋە «ساراڭلىق» دەپ سۈپەتلەپ، ۋايت-كېيننى قاتتىق تەنقىد قىلدى.
