رۇمىنىيەنىڭ ئۇكرائىنا چېگراسىغا يېقىن تۇلچا رايونىدىكى ئورمانلىققا يەنە بىر ئۇچقۇچىسىز ھاۋا ئاپپاراتىنىڭ چۈشۈپ كەتكەنلىكى بايقالدى.
رۇمىنىيە دۆلەت مۇداپىئە مىنىستىرلىقى ئۇكرائىنا چېگراسى ئەتراپىدىكى تۇلچا رايونىغا جايلاشقان گرېندۇ ئورمانلىق رايونىغا بىر ئۇچقۇچىسىز ھاۋا ئاپپاراتىنىڭ چۈشۈپ كەتكەنلىكىنى ئېلان قىلدى. رادار كۆزىتىش سىستېمىلىرىدا كېچە سائەتلىرىدە رۇمىنىيەنىڭ ئۇكرائىنا چېگراسى ئەتراپىدىكى ھاۋا بوشلۇقىدا بىر ھەرىكەتچانلىق بايقالغاندىن كېيىن، ئەھۋالنى كۆزىتىش ئۈچۈن ئىسپانىيەگە ئائىت ئىككى دانە «F-18» تىپلىق ئۇرۇش ئايروپىلانى ھاۋاغا كۆتۈرۈلگەن.
باياناتتا بىلدۈرۈلۈشىچە، ئۇچقۇچىسىز ھاۋا ئاپپاراتى چۈشۈپ كەتكەندىن كېيىن يۈز بەرگەن پارتلاش ۋە ئوت ئاپىتىدە ئادەم ئۆلۈش ياكى مال-مۈلۈك زىيىنى كۆرۈلمىگەن. ۋەقەدىن كېيىن رايوندا بىرنەچچە سائەت بويىچە «قىزىل ئاگاھلاندۇرۇش» ھالىتى ئېلان قىلىنغان. مىنىستىرلىق يەنە 14-ئاۋغۇست كۈنىمۇ تۇلچا رايونىغا بىر ئۇچقۇچىسىز ھاۋا ئاپپاراتىنىڭ چۈشۈپ كەتكەنلىكىنى ئەسكەرتىپ ئۆتتى.
