Geo News تېلېۋىزىيە قانىلىنىڭ خەۋىرىگە قارىغاندا، خەيبەر پاختونخۇۋا ئۆلكىسىنىڭ كوھات رايونىدىكى ساقچى ئىدارىسى قورۇسى ئىچىگە جايلاشقان بىر جامەدە پارتلاش يۈز بەرگەن.
كوھات رايونلۇق مەركىزىي دوختۇرخانىنىڭ مەسئۇلى تاھىر ئەلى شاھ پارتلاشتا دەسلەپكى مەلۇماتلارغا قارىغاندا 15 كىشىنىڭ ھاياتىدىن ئايرىلغانلىقىنى، يارىلانغان 50 تىن ئارتۇق كىشىنىڭ دوختۇرخانىدا داۋالىنىۋاتقانلىقىنى ئاشكارىلىدى.
ساقچى دائىرىلىرى جۈمە نامىزى جەريانىدا يۈز بەرگەن كۈچلۈك پارتلاش نەتىجىسىدە جامەنىڭ سىرتقى قىسمىدا ئورەك پەيدا بولغانلىقىنى، بىنادا ئېغىر دەرىجىدە زىيان كۆرۈلۈپ بىر تېمىنىڭ ئۆرۈلۈپ چۈشكەنلىكىنى بىلدۈردى.
ۋەقەدىن كېيىن پارتلاش يۈز بەرگەن كوھات – ھانگۇ يولى ئاپتوموبىل قاتنىشىغا تاقالدى، شۇنداقلا كوھات رايونلۇق مەركىزىي دوختۇرخانىسىدا جىددىي ھالەت ئېلان قىلىندى. رايونغا قوشۇمچە دۆلەت خەۋپسىزلىك كۈچلىرى ئەۋەتىلگەن بولۇپ، ئىزدەش - قۇتقۇزۇش خىزمەتلىرى داۋاملاشماقتا.
