ئاسىيا ئەللىرى ئەمگەكچىلەر بايرىمىنى تەبرىكلەۋاتقان بىر پەيتتە، رەھبەرلەر ئىشچى – خىزمەتچىلەرنىڭ ھەق – ھوقۇقلىرىنى تېخىمۇ كۈچلۈك قوغداش توغرىسىدا ۋەدە بەردى ۋە ئۇلارنىڭ ئىقتىسادىي چىدامچانلىق ھەم دۆلەت تەرەققىياتىنىڭ ئاساسى ئىكەنلىكىنى تەكىتلىدى.

پاكىستان باش مىنىستىرى شاھباز شېرىف دۆلىتىنىڭ ئىشچىلارنى ھۆرمەتلەش ئۈچۈن «يېڭىلانغان قارار ۋە ۋەدە» گە ئاساسەن خەلقئارا جەمئىيەتنىڭ سېپىگە قوشۇلغانلىقىنى ئېيتتى.

ئەمگەكچىلەر بايرىمى مۇناسىۋىتى بىلەن ھەمبەھىرلىگەن ئۇچۇرىدا، ئەمگەكچىلەر، دېھقانلار، ھۈنەرۋەنلەر ۋە كەسپىي خادىملارغا ھۆرمىتىنى بىلدۈرگەن شېرىف، ئۇلارنى «جەمئىيىتىمىزنىڭ تۈۋرۈكى» دەپ ناتىدى.

شېرىف پاكىستاندا ۋە چەت ئەللەردە ئىشلەۋاتقان مىليونلىغان پاكىستانلىقلارنىڭ قوشۇۋاتقان تۆھپىلىرىنىڭ ناھايىتى مۇھىملىقىنى تەكىتلىدى، شۇنداقلا  چەت چەت ئەلدىكى ئىشچى – خىزمەتچىلەرنىڭ «پاكىستان تالانت ئىگىلىرىنىڭ ئەلچىلىرى» ئىكەنلىكىنى ۋە تاشقى پېيرېۋات ئەۋەتىش ئارقىلىق ئىقتىسادنى كۈچەيتىشتە ھالقىلىق رول ئويناۋاتقانلىقىنى بىلدۈردى.

مالايشىيا باش مىنىستىرى ئەنۋەر ئىبراھىم ئىشچى – خىزمەتچىلەرنىڭ دۆلەتنىڭ پاراۋانلىقىنىڭ جان تومۇرى  ئىكەنلىكىنى ئېيتتى ۋە ھۆكۈمەتنىڭ ئاياللار ھەم چەت ئەلدە ئىشلەۋاتقان پۇقرالارنى ئۆز ئىچىگە ئالغان بارلىق ئىشچىلارنىڭ پاراۋانلىقىنى قوغداشنى داۋاملاشتۇرىدىغانلىقى توغرىسىدا ۋەدە بەردى.

ئەنۋەر ئاممىۋى ئورتاقلىشىش تور بېتى X سەھىپىسىدە  ئېلان قىلغان باياناتىدا: «ئىشچى – خىزمەتچىلەر مىللەتنىڭ پاراۋانلىقىنىڭ تۈۋرۈكىدۇر؛ ئىقتىسادنىڭ پۈتۈنلۈكى ۋە مالايشىيانىڭ كەلگۈسى، ئىشچى – خىزمەتچىلىرىمىزنىڭ تىرىشچانلىقى، سادىقلىقى ۋە پىداكارلىقىدىن كۈچ ئالماي تۇرۇپ ھەرگىزمۇ ئىشقا ئاشمايدۇ» دېدى.

 ئۇ ئىقتىسادىي تەرەققىياتنىڭ ئىشچى – خىزمەتچىلەرنىڭ «تىرىشچانلىقى، سادىقلىقى ۋە پىداكارلىقىغا» باغلىق ئىكەنلىكىنى تەكىتلىدى.

جەنۇبىي كورېيە پىرېزىدېنتى لې جائې ميۇڭ بولسا Yonhap News نىڭ خەۋىرىگە قارىغاندا، بۇ مۇناسىۋەت بىلەن خىزمەت ئورنى بىخەتەرلىكىنىڭ قاتتىق ئىقوغدىلىدىغانلىقى توغرىسىدا ۋەدە بەردى ۋە ئىشچىلارنى قوغداش ئىرادىلىرىنىڭ قەتئىيلىكىنى بىلدۈردى.

 لې كارخانىلارنىڭ گۈللىنىشى بىلەن ئىشچىلار پاراۋانلىقى بىر-بىرىگە زىت دېگەن چۈشەنچىنى رەت قىلىپ، سىجىل تەرەققىياتنىڭ كۈچلۈك ئىشچىلارنى قوغداش تۈزۈمىگە باغلىق ئىكەنلىكىنى ئېيتتى.