مىكروسوفت شىركىتى ئىدارە ھەيئىتى مۇئاۋىنى، قوشۇمچە شىركەت رەئىسى براد سىمىت، «ئامېرىكا سۈنئىي ئەقلى ئۈچۈن ئالتۇن پۇرسەت» ماۋزۇلۇق بىلوگ يازمىسىدا، سۈنئىي ئەقىلنىڭ ئامېرىكانىڭ كېلەر چارەك ئەسىردىكى ئىقتىسادىي مۇۋەپپەقىيىتىنىڭ ئاساسىنى شەكىللەندۈرىدىغانلىقىنى ئېيتتى.
سىمىت سۈنئىي ئەقىلنىڭ ئىقتىسادنىڭ ھەر ساھەسىدە يېڭىلىق يارىتىشنى ئىلھاملاندۇرۇش ۋە ئۈنۈمنى ئاشۇرۇشنى ۋەدە قىلىدىغانلىقىنى، ئامېرىكانىڭ بولۇپمۇ كۈچلۈك تەرەپلىرىنى ھەسسىلەپ ئاشۇرۇشى ۋە خەلقئارالىق سەۋىيەدە ئۈنۈملۈك ھەمكارلىق ئورناتقان ئەھۋالدا بۇ يېڭى تېخنىكا دولقۇنىنىڭ ئالدىنقى سەپلىرىدە تۇرۇشقا تەييار ئىكەنلىكىنى قەيت قىلدى.
ئامېرىكانىڭ خۇسۇسىي سېلىنمىلىرى ۋە ئامېرىكا شىركەتلىرىنىڭ يېڭىلىقلىرى سايىسىدا دۇنياۋى سۈنئىي ئەقىل رىقابىتىگە يېتەكچىلىك قىلىۋاتقانلىقىنى ئوتتۇرىغا قويغان سىمىت، مىكروسوفتنىڭ 2025-مالىيە يىلىدا سۈنئىي ئەقىل مودېللىرىنى تەربىيەلەش ۋە دۇنيا مىقياسىدا سۈنئىي ئەقىل ھەم بۇلۇت ئاساسلىق پىروگراممىلارنى ئىشلىتىش خىزمەتكە كىرگۈزۈش ئۈچۈن سۈنئىي ئەقىل ياردىمىدىكى ئۇچۇر مەركەزلىرى قۇرۇشقا تەخمىنەن 80 مىليارد دوللار مەبلەغ سېلىشنى پىلانلىغانلىقىنى بىلدۈردى.
ئۇ بۇ مەبلەغنىڭ يېرىمىدىن كۆپىنىڭ ئامېرىكادا ئىشلىتىلىدىغانلىقىنى، بۇنىڭ ئامېرىكاغا بولغان ساداقىتى ۋە ئامېرىكا ئىقتىسادىغا بولغان ئىشەنچىسىنى ئىپادىلەيدىغانلىقىنى بىلدۈردى.
