ئامېرىكا پىرېزىدېنتى ترامپ خىتاي دۆلەت رەئىسى شى جىنپىڭ بىلەن «ناھايىتى ئۈنۈملۈك» بىر كۆرۈشۈش ئېلىپ بېرىشنى ئۈمىد قىلىدىغانلىقىنى بىلدۈردى. خىتاي دۆلەت رەئىسى شى جىنپىڭنى 23-سېنتەبىر كۈنى كۈتۈۋالىدىغانلىقىنى ئەسكەرتكەن ترامپ، بۇ ئۇچرىشىشنى تەقەززالىق بىلەن كۈتۈۋاتقانلىقىنى ئەسكەرتىپ مۇنداق دېدى:
«بىز ئىنتايىن نەتىجىلىك بىر سۆھبەت ئۆتكۈزىمىز. خىتاي بىلەن ئارىمىز ياخشى، مۇناسىۋەتلىرىمىز ناھايىتى ياخشى كېتىۋاتىدۇ. خىتاي دۆلەت رەئىسى شى جىنپىڭ بىلەن ئارىمىزدا ياخشى بىر مۇناسىۋەت بار.»
ئۇ يەنە بۇ دۆلەت بىلەن پەقەت سۈنئىي ئەقىل تېمىسىدىلا ئەمەس، بەلكى نۇرغۇن ساھەلەر بويىچە سۆھبەتلىشىدىغانلىقىنىمۇ سۆزلىرىگە ئىلاۋە قىلدى.
مۇھىم تېمىلار
ئۆزىنىڭ خىتايغا يۇقىرى نىسبەتتە تاموژنا بېجى قويغانلىقىنى ۋە بۇ مەسىلىنىمۇ مۇزاكىرە قىلىدىغانلىقىنى ئەسكەرتكەن ترامپ، ئىككى دۆلەت ئوتتۇرىسىدىكى تاموژنا بېجى مەسىلىسىنىڭ مۇھىم بىر تېما بولىدىغانلىقىنى ئەسكەرتتى.
يەنە بىر تەرەپتىن، ترامپ بىر مۇخبىرنىڭ ئامېرىكادىكى ئۈچ تاراتقۇ ئورگىنىغا ئاقسارايغا كىرىشنى مەنئىي قىلغانلىقى ھەققىدىكى: «خىتاي دۇنيادىكى مۇخبىرلارغا ئەڭ كۆپ بېسىم قىلىدىغان دۆلەتلەرنىڭ بىرى. سىزنىڭ بۇ قارارىڭىز قانداق سىگنال بېرىدۇ؟» دېگەن سوئالىغا، «بىزمۇ بېسىم قىلىمىز. بىزدە يالغان خەۋەر تاراتقۇلىرى بار» دەپ جاۋاب بەردى. ترامپ كېيىنچە سۆزىنى: «بىز بېسىم قىلمايمىز، ئەمما بىزدە يالغان خەۋەر تاراتقۇلىرى بار» دەپ تۈزەتتى.
